Mundo Deportivo-ს თანახმად, ამ დროისთვის უნცობია, გააგრძელებენ თუ არა თანამშრომლობას “ბარსელონას” ხელმძღვანელობა და ხოსე მანუელ პინტო.
38 წლის ესპანელმა გოლკიპერმა, რომელიც წლების განმავლობაში ვიქტორ ვალდესის შემცვლელი იყო, გასულ ზაფხულს კლუბთან ერთწლიანი კონტრაქტი გააფორმა. თუმცა, ახლა მისი კატალონიური მომავალი კითხვის ნიშნის ქვეშ დგას.
წყაროს მიერ გავრცელებული ინფორმაციის თანახმად, ფეხბურთელსა და ხელმძღვანელობას შორის მოლაპარაკებები ამ დრომდე არ დაწყებულა.
აქვე შეგახსენებთ, რომ პინტო ამჟამად “ბარსას” ძირითად შემადგენლობაში თამაშობს, რადგან ვალდესი ლაზარეთში იმყოფება.
