წინასასეზონო მზადება “ბარსელონასთვის” კოშმარულად დაიწყო. “სიუტატ ესპორტივაზე” ფეხბურთელების შეკრების პირველივე დღესვე ცნობილი გახდა, რომ ფრენკი დე იონგმა მუხლის მძიმე ტრავმა მიიღო. ნიდერლანდელი ბაზაზე ნებადართულზე ადრე გამოცხადდა (მას მსოფლიო ჩემპიონატზე ასპარეზობის გამო დასვენების დამატებითი დღეები ჰქონდა), რაც მუხლში არსებულმა დისკომფორტმა აიძულა. თავიდანვე გაჩნდა ეჭვი, რომ დაზიანება სერიოზული იქნებოდა, თუმცა კლუბში სამედიცინო შემოწმების საბოლოო პასუხებს ელოდებიან.
ფრენკის ტრავმას, შესაძლოა, გავლენა მოეხდინა მარკ კასადოს მომავალზე. აკადემიის აღზრდილი “ბარსელონადან” წასვლასთან ძალიან ახლოსაა. ის კარგ შეთავაზებას ელოდება – ან საუდის არაბეთიდან, სადაც კლუბებს დიდი ფინანსური შესაძლებლობები აქვთ, ან რომელიმე ევროპული გუნდიდან, რაც თავად მოთამაშეს უფრო ხიბლავს. ვინაიდან ნიდერლანდელი გუნდს ნოემბრამდე ვერ დაეხმარება, ლოგიკური იქნებოდა, გვეფიქრა, რომ “ბარსელონა” უკან დაიხევდა და კასადოს ზამთრის სატრანსფერო ფანჯრამდე მაინც არ გაუშვებდა.
გეგმა უცვლელია
თუმცა, ასე არ მოხდება. სპორტული ხელმძღვანელობა კვლავ მიიჩნევს, რომ ფეხბურთელის ახლა გაყიდვა, როდესაც მის სანაცვლოდ სოლიდური თანხის მიღებაა შესაძლებელი, საუკეთესო გამოსავალია და დასახულ კურსს არ გადაუხვევს. მთავარი მიზეზი ისაა, რომ კლუბში დე იონგის პოზიციას საკმარისად დაცულად მიიჩნევენ.
ბერნალი და გავი
ფლიკს პედრის გვერდით, ორმაგი საყრდენის ზონაში (სადაც კანარიელი შეუცვლელი ფიგურაა), რამდენიმე ალტერნატივა ჰყავს. გერმანელმა სპეციალისტმა შესაძლოა ნდობა საბოლოოდ მარკ ბერნალს გამოუცხადოს, რომელიც გასული სეზონის ბოლო მონაკვეთიდან მოყოლებული, ძირითად შემადგენლობაში მოსახვედრად აქტიურად იბრძვის. ამ როლის მორგება გავისაც შეუძლია, თუმცა ფლიკს ურჩევნია, რომ მან მეტოქის საჯარიმოსთან უფრო ახლოს ითამაშოს.
გარდა ამისა, კიდევ ორი ფეხბურთელია, რომლებიც ნომინალურად ცენტრალური მცველები არიან, თუმცა ამ პოზიციაზე თამაში შესანიშნავად შეუძლიათ: ერიკ გარსია და კრისტენსენი. პირველმა გასულ სეზონში არაერთ მატჩში ითამაშა საყრდენად და ბრწყინვალე პროდუქტიულობაც აჩვენა. დანიელ მცველსაც აქვს ამ ზონაში თამაშის დიდი გამოცდილება, თუმცა ბოლო სეზონებში ტრავმების გამო იქ შედარებით იშვიათად ჩნდებოდა.
ახალი დანიშნულების ადგილის ძიებაში
ამრიგად, ფრენკი დე იონგის ტრავმის მიუხედავად, მარკ კასადო, დიდი ალბათობით, მაინც დატოვებს “ბარსელონას” მიმდინარე ზაფხულის სატრანსფერო ფანჯრის დროს. უკვე რამდენიმე კვირაა, რაც მისი აგენტი, ჟორჟე მენდეში ნახევარმცველისთვის ახალი კლუბის მოძიებაზე აქტიურად მუშაობს.
ბერნალით და გავით გავალთ ფონს
რამდენს იხდიან, საკითხავი აი ეს არის;
და არაუხოს გაყიდვაზე არაფერი იწერება😎
კაცურად გუნდის პრეზიდენტი რომ იყო ახლა არაუხოს იყიდიდი? ალალად თქვიი🙄😂
რატო ამბობ ძმაო ეგრე არაუხო ბარსას სქემავ ვერ ეწყობა თორე რატო გგონია რო ცუდი მცველია? დორტმუნდი ბენფიკა ივენტუსი ინტერი იუნაიტედი მილანი ჩელსი ატლეტიკო ყვრლა ამ გუნდში მგონია რო გაამართლებს მშვენივრად თამაშობდა ჩავის ხელში სადაც მაღალ დაცვას არ თამაშობდა ბარსა და რავი აბა ტაქტიკას არაუხოს გამო არავინ შეცვლის მაგრამ თუ გაყიდვა უნდათ აი ყველა ამ კლუბების სტილს მშვენივრად მოერგება
ჩავი რომ ბარსას მწვრთნელი არაა ეგ არაუხოს დამსახურებაცაა, რას თამაშობდა კატგად თუ ძმა ხარ, მაშჯნაც მასეთი ქაჯი იყო, გაიხსენე ლიგაზს პსჟსთან როგორ გამოვარდით მაგის სიქაჯის გამო და ბოდიშიც არ მოიხადა.
მოძებნა უნდა, ვინმე ატლეტიკოს სტილის გუნდი.
დე იონგის პოზიციას რანაირად მიიჩნევენ დაცულად, კასტილა პედრით გავით თუ ბერნალით? სამივე ტრამვიანია. გავი არცაა საყრდენი. აილეწება ბერნალი პედრიდან რომელიმე და კარგად იყავი. მოუწევს მერე გარსიას ფოფხვა.