მიუნხენის “ბაიერნის” პრეზიდენტმა, ული ჰიონესმა პრესასთან ინტერვიუში აღნიშნა, რომ მისი კლუბის კატალონიურ, “ბარსელონასთან” შედარება მართებული არ არის.
“გუშინ ჩვენ “ვიქტორიას” წინააღმდეგ მატჩში ჩვენ დავამტკიცეთ, რომ ჩვენი შედარება “ბარსელონასთან” უბრალოდ უადგილოა. კატალონიელებს ყოველთვის აქვს გეგმები მატჩისათვის, მაგრამ თუ რაიმე სხვანაირად წარიმართა, მათ არ აქვთ სარეზერვო გეგმა. გუშინ გვარდიოლამ გაიგო, რომ თავდამსხმელის გარეშე თამაში შედეგს არ მოიტანს და იქვე გამოუშვა მანჯუკიჩი, რითაც თამაშის მოდელი შეცვალა.” – განაცხადა, ჰიონესმა.
