ბარსელონელები მუნდიალზე ისევ არ აგებენ

მსოფლიოს მიმდინარე ჩემპიონატზე “ბარსელონას” ფეხბურთელების გუნდები ისევ არ აგებენ. გუშინ “ბლაუგრანელების” გუნდებიდან სამმა ითამაშა, ორმა მოიგო და ერთმა შეხვედრა ფრედ დაასრულა.

ესპანეთის მარტივი მოგების შემდეგ საქმეში ურუგვაი ვიხილეთ. სამწუხაროდ, კვლავ ტრავმირებული რონალდ არაუხოს გარეშე. ურუგვაელებმა ისევ ვერ მოიგეს, ამჯერად დებიუტანტ კაბო-ვერდესთან 2-2 ითამაშეს. ორი ტურის შემდეგ ორი ქულით ისინი მეორე ადგილზე არიან, თუმცა ბოლო ტურში ესპანეთს ხვდებიან და წაგების შემთხვევაში ამ პოზიციას აუცილებლად დაკარგავენ.

წარმატებით გამოდის “ბარსა ატლეტიკის” თავდამსხმელის, ჰამზა აბდელკარიმის ეგვიპტე, რომელმაც ბელგიასთან ფრის შემდეგ ახალი ზელანდია 3-1 დაამარცხა. “ბარსას” 18 წლის შემტევმა კვლავ შეხვედრის ბოლო 14 წუთი ითამაშა. ეგვიპტე 4 ქულით პირველ ადგილზეა და ბოლო ტურში ირანთან არწაგების შემთხვევაში ფლეი ოფის საგზურს გაინაღდებს.