“რეალ მადრიდმა” სენსაციური მოთხოვნით მიმართა უეფას და “ბარსელონასთვის” ისტორიული ტიტულების ჩამორთმევა მოითხოვა. არჩევნებში დამაჯერებელი გამარჯვების შემდეგ, ფლორენტინო პერესი შეტევაზე გადავიდა და უეფას შტაბ-ბინაში ვრცელი იურიდიული დოსიე გაგზავნა.
პერესი ისტორიულ სანქციებს ითხოვს
არჩევნებში გამარჯვების შემდეგ, რითაც მან პრეზიდენტის პოსტი შეინარჩუნა, პერესმა მარადიული მეტოქის წინააღმდეგ ომის ესკალაციისთვის დრო არ დაკარგა. კლუბმა ოფიციალურად გაგზავნა იურიდიული დოსიე უეფაში – ერთადერთ მმართველ ორგანოში, რომელსაც, მადრიდელთა აზრით, აქვს უფლებამოსილება, დააწესოს ის “სამაგალითო სასჯელი”, რომელსაც “რეალ მადრიდი” აუცილებლად მიიჩნევს.
მიუხედავად იმისა, რომ წინა ცნობები ევროტურნირებიდან შესაძლო მოკვეთაზე ამახვილებდა ყურადღებას, გამოცემა AS-ის ცნობით, “სანტიაგო ბერნაბეუს” ხელმძღვანელობა ახლა უპრეცედენტო ნაბიჯის გადადგმას – “ბარსელონას” წარსული ტიტულების ისტორიიდან წაშლასაც ითხოვს.
ეს ნაბიჯი ესპანეთის ორ უდიდეს კლუბს შორის დიპლომატიის სრულ კრახზე მიუთითებს. პერესი ღიად საუბრობდა ამ ქმედების აუცილებლობაზე და ცნობილი განცხადებაც გააკეთა, რომ ორ ესპანურ გრანდს შორის ურთიერთობა ოფიციალურად დასრულებულია.
500-გვერდიანი დოსიე
AS-ის ინფორმაციით, ნიონში გაგზავნილი ანგარიში 500-გვერდიანი დოკუმენტია. ის შეიცავს იმას, რასაც მადრიდელი ჩინოვნიკები უწოდებენ სისტემური კორუფციის “აშკარა მტკიცებულებას”, რომელმაც ლა ლიგის შედეგებზე 20-წლიანი პერიოდის განმავლობაში მოახდინა გავლენა.
ვრცელდება ინფორმაცია, რომ დოკუმენტაცია მოიცავს სეზონების მიხედვით იმ ქულების ჩამონათვალს, რომლებიც “რეალ მადრიდის” აზრით, მსაჯების მიკერძოებულობის გამო “მოჰპარეს”. პერესი თავის ბრალდებებში საოცრად კონკრეტული იყო და მანამდე აცხადებდა, რომ “წელს მათ 16-დან 18 ქულამდე წაგვართვეს.”
ამ მონაცემების უეფასთვის წარდგენით, “რეალ მადრიდი” იმედოვნებს, რომ დაარწმუნებს პრეზიდენტ ალექსანდრ ჩეფერინს, რომ სავარაუდო დანაშაულის მასშტაბებისთვის უბრალო ჯარიმა ან დროებითი დისკვალიფიკაცია საკმარისი არაა.
იმ შემთხვევაში, თუ ფლორენტინო პერესისა და “რეალ მადრიდის” პოზიცია სწორია და 2025/26 წლების სეზონში “ბლანკოსს” მსაჯებმა მართლაც დააკარგვინეს 16-18 ქულა, ეს ნიშნავს, რომ ამ სეზონში მადრიდელებს 102-104 ქულა უნდა აეღოთ, რაც მათ ისტორიაში არასდროს გაუკეთებიათ. ეს კი მიუთითებს იმაზე, რომ “რეალ მადრიდს” ისტორიაში საუკეთესო სეზონი ჰქონდა იმის ფონზე, რომ ერთ სეზონში ორი მწვრთნელი დაითხოვა.
ნეხვის ჭიააა ეს კაცი მარა რაც ამათმა იმაფიოიზეს მაშინ უეფამაც უნდა დაასრულოს არსებობა
ძაან კი გინდა პერეს ბარსას დაძირვა მარა არ გამოგივა
აუუ ეს რა ჩოილარიააა, ვერც ვბრაზდები ტიპი ისეთი საცოდავია, რა მაგრად ეშინიაა ბარსასი და ლაპორტასი….ბარსას ბუბლიკები ესენი…ამათ ერთი პასუხი უნდა გასცე…უნდა მიაფურთხო მაგას იმსახურებენ
ამ და*****ულმა ბებერმა სულ დაკარგა ჭკუა , არ იცის რაღა გააკეთოს , ანუ რას ამბობს რომ ლა ლიგას ებრძვის მაგით
დაბერდა და და*ლევდა