ანდრეას კრისტენსენი “ბარსელონას” მაისურით მოედანს დაუბრუნდა. დანიელმა მცველმა ბოლო მატჩიდან 158 დღის შემდეგ, ლა ლიგის დასკვნით მატჩში “ვალენსიას” წინააღმდეგ ითამაშა.
21 დეკემბერს ვარჯიშზე მიღებულმა მარცხენა მუხლის წინა ჯვარედინი იოგის ნაწილობრივმა გაგლეჯამ მას საშუალება არ მისცა, ლა ლიგის ჩემპიონ “ბარსელონას” ისე დახმარებოდა, როგორც თავად სურდა.
დანიელმა ფეხბურთელმა “მესტალიაზე” ერიკ გარსია შეცვალა და მოედანზე 30 წუთი გაატარა, რითაც მიმდინარე სეზონში ჰანსი ფლიკის ხელმძღვანელობით თავისი მე-18 შეხვედრა ჩაატარა.
ამდენი ხნის გამოტოვების შემდეგ, ეს კრისტენსენისთვის მართლაც განსაკუთრებული დღე იყო. არ უნდა დაგვავიწყდეს ისიც, რომ 2025/26 წლების სეზონში ჩატარებულ წინა მატჩში მან გოლის გატანაც კი შეძლო, როდესაც კატალონიელებმა ესპანეთის თასზე სტუმრად “გვადალახარა” 2:0 დაამარცხეს.
ბოლო დღეებში გავრცელებული ცნობებით, “ბარსელონა” კრისტენსენს კონტრაქტის ერთი წლით, 2027 წლის ზაფხულამდე გახანგრძლივებას სთავაზობს.
არადა ძალიან ნიჭიერია, აფსუსია, რო არ გაუმართლა ჯანმრთელობამ.
გინდ მკვდარი გინდ შინმოუსვლელი