პოტენციურად სატიტულო თამაშში “ბარსელონას” მეტოქის, “რეალ მადრიდის” ბანაკში დიდი არეულობაა.
10 მაისს “ბარსელონა” “რეალ მადრიდს” უმასპინძლებს და “სპოტიფაი კამპ ნოუზე” გასამართ მატჩში ქულის აღების შემთხვევაშიც კი ესპანეთის ჩემპიონობას გაინაღდებს. “ბლანკოსის” მდგომარეობა სახარბიელო არც აქამდე იყო, მაგრამ ბოლო დღეებში კიდევ უფრო გაუარესდა.
დღე არ გავა, “რეალ მადრიდის” გასახდელში არსებულ ცუდ ატმოსფეროზე რომ არ დაიწეროს. არის საუბრები იმაზე, რომ გუნდის მთავარ მწვრთნელს, ალვარო არბელოას რამდენიმე ფეხბურთელთან, მათ შორის კილიან მბაპესთან კონფლიქტი აქვს. ასევე ვრცელდებოდა ცნობები ფეხბურთელებს შორის დაპირისპირებაზეც.
მადრიდულ მედიაში გავრცელებული ცნობებით, გუშინ გამართულ ვარჯიშზე ფედერიკო ვალვერდემ და ორელიან ჩუამენიმ იჩხუბეს. როგორც ჩანს, ინციდენტი ამით არ ამოწურულა და თანაგუნდელებს შორის დაპირისპირება დღესაც გაგრძელდა, რაც ფიზიკურ შეხლა-შემოხლაში გადაიზარდა და შედეგად ვალვერდეს საავადმყოფოში მოხვედრით დასრულდა.
RMC Sport-ის ცნობით “რეალ მადრიდი” აპირებს, დისციპლინარული საქმე ორივე ფეხბურთელის მიმართ აღძრას, ორივე დასაჯოს და მათ “ელ კლასიკოში” თამაშის უფლება არ მისცეს.
ჩუამენს არ ვუცემივარო, უბრალოდ რო დამარტყა მაგიდის კიდეს მივარტყი თავიო. ხო მაგარი თავის მართლებაა.