რუნი ბარდჯი ტრავმირებულია – სავარაუდოდ სერიოზულად

რუნი ბარდჯიმ მუხლის სერიოზული ტრავმა მიიღო – ამის შესახებ ინფორმაციას Mundo Deportivo ავრცელებს. შვედმა თავდამსხმელმა დაზიანება სან ჟოან დესპის სპორტულ ბაზაზე ვარჯიშის დროს მიიღო და სავარაუდოდ, საქმე წინა ჯვარედინი იოგის გაწყვეტასთან გვაქვს. ამჟამად სამედიცინო გამოკვლევების პასუხებს ელოდებიან, რაც ტრავმის ზუსტ სირთულეს დაადგენს.

ამ ეტაპზე კლუბს რუნის მდგომარეობასთან დაკავშირებით დეტალებზე საუბარი არ სურს და აცხადებს, რომ ეს კონფიდენციალური ინფორმაციაა. ნებისმიერ შემთხვევაში, დადასტურებულია, რომ მან ფიზიკური დაზიანება მიიღო და სამედიცინო ტესტების მოლოდინშია.

ახალგაზრდა შვედმა გარემარბმა წინა ჯვარედინი იოგი იმავე, მარჯვენა მუხლზე ჯერ კიდევ “კოპენჰაგენში” თამაშისას გაიწყვიტა, სანამ “ბარსელონაში” გადმოვიდოდა. თუ იოგის გაწყვეტა დადასტურდება, ეს იმას ნიშნავს, რომ მისთვის სეზონი დასრულებულია, რაც სატრანსფერო ბაზარზე მის შესაძლო წასვლას მნიშვნელოვნად შეაფერხებს.

რუნი, რომელიც გასულ შაბათს უდინეში გამართულ ამხანაგურ სამთა ტურნირზე არ გამგზავრებულა, კლუბიდან შესაძლო წასვლის – იჯარის ან გამოსყიდვის უფლებით ტრანსფერის მოლოდინში იყო.