“ბარსელონა” “რეალ მადრიდს” საკუთარ სტადიონზე 3 წლის, 1 თვისა და 16 დღის შემდეგ პირველად დაუპირისპირდება.
ამ უქმეებზე “სპოტიფაი კამპ ნოუ” “ელ კლასიკოს” 1000-ზე მეტი დღის შემდეგ პირველად უმასპინძლებს. ბოლოს ეს 2023 წლის 19 მარტს მოხდა, როდესაც ჩავი ერნანდესის ხელმძღვანელობით, კატალონიელებმა ფრენკ კესიეს მიერ 92-ე წუთზე გატანილი გოლის წყალობით გაიმარჯვეს. იმ შეხვედრის საწყის წუთებში “რეალ მადრიდი” დაწინაურდა, თუმცა სერჟი რობერტომ ანგარიში გაათანაბრა.
მოგვიანებით, მეორე ტაიმის ბოლო წუთებში, ლევანდოვსკისა და ბალდეს კომბინაციის შედეგად, კოტ-დ’ივუარელმა ნახევარმცველმა ახლო მანძილიდან გამარჯვების გოლი გაიტანა, რითაც “ბარსელონა” ჩემპიონობის ტიტულს ერთი ნაბიჯით მიუახლოვდა.
ახლა, 1148 დღის შემდეგ, კატალონიელებს შანსი აქვთ, კიდევ ერთი ლიგის ტიტული მოიპოვონ, თუ კვირას საკუთარ სტადიონზე “რეალ მადრიდს” დაამარცხებენ ან ფრეს ითამაშებენ. ყველაფერი მზად არის კიდევ ერთი დასამახსოვრებელი “ელ კლასიკოსთვის” “სპოტიფაი კამპ ნოუზე”.
რომც წავაგოთ პონტი აღარაა ლა ლიგის დათმობის
ბალერინები ყველაფერს იზამენ, რომ ბარსამ მათი დანდასწრებით არ იზეიმოს. მსაჯიც მეთორმეტე და მთავარი ფეხბურთელი იქნება, რათა ზეიმი გადაუვადონ. ესეთი საზიზღარი გუნდი ხომ მეორე არ არსებობს.
მსაჯი უნდა ნახოთ ვინ არის, ბლანდინკა მადრიდისტა.