“ბარსელონა” ახალი კიპერის ძებნას განაგრძობს

კატალონიური გრანდი იმ გოლკიპერის ძიებას განაგრძობს, რომელიც კლუბის დატოვების გადაწყვეტილებამიღებულ ვიქტორ ვალდესს ჩაანაცვლებს.

“ბარსელონას” შესაძლო ახალწვეულთა სიაში ერთდროულად რამდენიმე მეკარე ფიგურირებს. აქ არამხოლოდ ფერნანდო მუსლერა (“გალათასარაი”) და სამირ ჰანდანოვიჩი (“ინტერი”) არიან, არამედ ვისენტე გუაიტა (“ვალენსია”), მარკ-ანდრე ტერ შტეგენი (“გლადბახი”) და ვოიცეხ შესნიც კი (“არსენალი”).

რაც შეეხება ვალდესის მომავალს, მაშინ ჯერჯერობით კვლავაც უცნობია, როდის დატოვებს იგი გუნდს: უახლოეს ზაფხულში თუ 2014 წელს, კონტრაქტის ამოწურვის შემდგომ.