მსოფლიო ჩემპიონატის საკვალიფიკაციო ეტაპზე, საფრანგეთში, ესპანეთმა ძალიან მნიშვნელოვანი თამაში მოიგო. “სამფეროვნების” დამარცხების წყალობით, “ფურია როხა” ჯგუფს სათავეში ჩაუდგა და სავარაუდოდ, მსოფლიოსა და ევროპის ჩემპიონები პირველობას აღარ დათმობენ. ესპანელები 3 ქულის მოპოვებას “ბარსელონას” მეკარესა და შემტევს, ვიქტორ ვალდესსა და პედრო როდრიგესს უნდა უმადლოდნენ.
მიმდინარეობდა შეხვედრის 58-ე წუთი, როდესაც მარცხენა ფლანგიდან ნაჩო მონრეალის მიერ გაკეთებული კარგი გადაცემის შემდეგ, ლორისის კარის წინ, ბურთზე თამაში ყველას პედრომ დაასწრო და მატჩის ერთადერთი გოლიც გავიდა.
რაც შეეხება ვალდესს, მან 2 ეპიზოდში, შესანიშნავად ითამაშა და გუნდი აშკარა გოლისგან იხსნა.
საფრანგეთთან ასევე ითამაშეს ხერარდ პიკემ, ანდრეს ინიესტამ (93-ე წუთზე შეცვალეს), ჩავიმ, ბუსკეტსმა, ვილიამ (61-ე წუთზე შეცვალეს) და ფაბრეგასმა (76-ე წუთზე შევიდა)
