კატალონიის “ბარსელონას” ნახევარმცველი ჩავი ერნანდესი მიიჩნევს, რომ ესპანეთის თასის 1/2-ფინალის განმეორებით მატჩში, მისი გუნდის მარცხი თამაშის დებიუტზე, თერთმეტმეტრიანის ნიშნულიდან გაშვებულმა გოლმა გამოიწვია.
სამეფო თასის განმეორებით ნახევარფინალურ შეხვედრაში, “ბარსამ” “რეალთან” შინ 1:3 წააგო. სტუმრებმა ანგარიში მე-13 წუთზე, თერთმეტმეტრიანი დარტყმით გახსნეს.
“შეხვედრის სტარტზე, მეტოქისთვის თერთმეტმეტრიანის შესრულების საშუალების მიცემა ძვირი დაგვიჯდა. “რეალმა” ეს თამაში პენალტის წყალობით მოიგო, რომელიც მეტოქეს უბრალოდ ვაჩუქეთ.
ჩვენი თამაში არაეფექტური იყო, “რეალისა” კი – პირიქით. ვდომინირებდით, მაგრამ შედეგს მაინც ვერ მივაღწიეთ.
მართალია, ერთი ტიტულისთვის ბრძოლას გამოვეთიშეთ, მაგრამ ის იმდენად მნიშვნელოვანი არაა, როგორც დანარჩენები.
იმედი მაქვს, “მილანთან” მატჩი ყველაფრის ჩვენთვის სასიკეთოდ შეცვლაში დაგვეხმარება.” – აცხადებს ჩავი ერნანდესი.
