Sky Sports-ის ინფორმაციით, “ჩელსის” მცველი, დავიდ ლუისი მონაწილეობას ვერ მიიღებს ჩემპიონთა ლიგის პირველ 1/2 ფინალურ შეხვედრაში “ბარსელონას” წინააღმდეგ.
დავიდ ლუისმა ტრავმა ინგლისის თასის გათამაშებაში, “ტოტენჰემთან” მატჩში მიიღო (5:1). გავრცელებული ინფორმაციის თანახმად, ბრაზილიელ ფეხბურთელს მუხლის მყესები აქვს დაზიანებული და იგი სავარაუდოდ ორიდან სამ კვირამდე იუქმებს.
სპორტული ჟურნალისტების აზრით ლუისის ადგილს გარი კეჰილი დაიკავებს.
შეგახსენებთ, რომ “ჩელსისა” და “ბარსელონას” პირველი 1/2 ფინალური დაპირისპირება ხვალ, “სტემფორდ ბრიჯზე” გაიმართება. საპასუხო მატჩს ერთ კვირაში უმასპინძლებს “კამპ ნოუ”.
