როგორ იმოქმედა კორონავირუსმა “ბარსელონაზე” [განახლებადი]

დღესდღეობით, კორონავირუსი მსოფლიოს მთავარი საფრთხზე და საზრუნავია. ამ პანდემიასთან იბრძვის “ბარსელონაც”, რომელსაც, ვირუსის გამო, მთელი რიგი ცვლილებების განხორციელება მოუხდა.

გთავაზობთ იმ ცვლილებების ჩამონათვალს, რომლებიც კორონავირუსს უკავშირდება (ინფორმაცია განახლებადია);

• ლა ლიგის მატჩები უვადოდ გადაიდო;
• კოპა ამერიკა 2021 წლისთვის გადაიდო;
• ევროპის ჩემპიონატი 2021 წლისთვის გადაიდო;
• ესპანეთის საკალათბურთო ჩემპიონატის სავარაუდო განახლების თარიღად 24 აპრილი დასახელდა;
• “ბარსელონამ” ქალაქში არსებული კიდევ 3 ოფიციალური მაღაზია დაკეტა;
• “ბარსელონას” საკალათბურთო გუნდმა ვარჯიში შეწყვიტა;
• “ბარსელონამ” ყველა საზოგადოებრივი ობიექტი დახურა;
• “ბარსელონას” ფეხბურთელთა ასოციაციამ მუშაობა დროებით შეწყვიტა;
• ქალთა გუნდმა ყველანაირი აქტივობა შეწყვიტა;
• “ბარსა ბ-მ” და 19-წლამდელთა გუნდმა ყველანაირი აქტივობა შეწყვიტა;
• 16 მარტისთვის ჩანიშნული დირექტორთა საბჭოს შეკრება გადაიდო;
• პირველმა გუნდმა ყველა აქტივობა შეწყვიტა, მათ შორის ვარჯიშიც;
• “ბარსელონასა” და “ნაპოლის” შორის 18 მარტს გასამართი საჩემპიონთალიგო დაპირისპირება გადაიდო;
• გადაიდო “ლივერპულისა” და “ბარსელონას” ლეგენდების მატჩი, რომელიც 28 მარტს უნდა გამართულიყო;
• “ბარსელონას” ფანკლუბების მსოფლიო ორგანიზაციამ ყველა დაგეგმილი ღონისძიება გააუქმა;
• პირველი გუნდი დახურულ კარს მიღმა ვარჯიშს განაგრძობს. “ბარსა ბ” და 19-წლამდელთა გუნდი ორშაბათამდე არ ივარჯიშებს’
• კლუბი, შეძლებისდაგვარად, დისტანციურად მუშაობაზე გადადის;
• გადაიდო ლა ლიგის მომდევნო 2 ტურის შეხვედრები, რომლებშიც “ბარსელონა” “მალიორკასა” და “ლეგანესს” უნდა შეხვედროდა;
• “ბარსელონას” სამოყვარულო გუნდებმა, 31 მარტამდე, ყველანაირი აქტივობა შეწყვიტეს, მათ შორის ვარჯიშებიც. გამონაკლისია რაგბის გუნდი, რომელიც 21 მარტს დახურულ კარს მიღმა ითამაშებს;
• გადაიდო “ბარსელონას” საკალათბურთო პირველი გუნდისა და “ბარსა ბ”-ს მომდვენო  2 კვირაში გასამართი თამაშები;
• ხელბურთში ესპანეთის ჩემპიონატის მომდევნო 2 ტური გადაიდო. ამ ტურებში “ბარსელონას” “გრანოლიერსთან” და “გუადალახარასთან” დაპირისპირება უწევდა;
• გაუქმდა “ბარსელონას” აკადემიის მსოფლიოს თასის გათმაშება;
• შეჩერდა “ბარსელონას” აკადემიის ყველანაირი აქტივობა ჩინეთში, იაპონიაში, იორდანიაში, დუბაისა და ქუვეითში;
• გადაიდო “ბარსელონას” საქველმოქმედო ფონდის ღონისძებების დიდი ნაწილი;
• დაიხურა “ბარსელონას” ყინულის დარბაზი;
• დაიხურა “ბარსელონას” მუზეუმი;
• 2 კვირით დაიხურა “ლა მასია”. ახალგაზრდულმა გუნდბემა ვარჯიში შეწყვიტეს;
• გადაიდო “ბარსელონა ბ”-ს, ახალგაზრდული გუნდების, ქალთა გუნდებისა და ფუტზალის გუნდის მიერ უახლოეს ორ კვირაში გასამართი თამაშები. ქალთა გუნდი ვარჯიშს განაგრძობს;
• ჰოკეიში ესპანეთის თასისა და ევროპის ლიგის თამაშები, რომლებშიც “ბარსელონა” მონაწილეობდა, გადაიდო.