ოფიციალურად: როდრი ერნანდესი ბარსელონას ფეხბურთელია!

ბარსელონამ ახლახან როდრიგო ერნანდესის ტრანსფერი ოფიციალურად დაადასტურა – კატალონიურმა გრანდმა ესპანელ საყრდენს 4-წლიანი კონტრაქტი გაუფორმა.

როდრი: 

სხვა შემოთავაზებებიც მქონდა, მაგრამ ბარსელონა ჩემი პირველი არჩევანი იყო.

სათამაშოდ მზად ვარ, ოპერაცია სერიოზული არ ყოფილა.

იმედია, ხვალ ვივარჯიშებ და ჰანსის განკარგულებაში მალე ვიქნები. ვნახოთ, რას გადაწყვეტს.

ბუსკეტსი ყოველთვის ჩემი კუმირი იყო. მასთან შედარება პრივილეგიაა.

ჩემპიონთა ლიგის მოსაგებად ყველაფერს გავაკეთებთ და ლა ლიგაში გამარჯვებებიც უნდა გავაგრძელოთ.

კარიერაში გადაწყვეტილებებს ყოველთვის სპორტული ფაქტორით ვიღებ. ჰანსი ფლიკის სათამაშო სტილი მიზიდავს. ვფიქრობ, მასთან ერთად კიდევ უფრო განვვითარდები.

კულეებო, წინ ყველა ტიტულისკენ!

ბარსასა და მანჩესტერ სიტის შორის €75-მილიონიანი გარიგება დაიდო: აქედან €60 მილიონი ფიქსირებული თანხაა, დანარჩენი €15 მილიონი კი – ბონუსები.