შევადგინოთ ყველა დროის სიმბოლური – ათიანი

     ხმათა უმრავლესობით რვიანზე ჩავი ერნანდესი აირჩიეთ. როგორც დაგპირდით, ანდრეს ინიესტას მეორე ნახევარმცველის პოზიციაზეც ექნება შანსი, სადაც უფრო შემტევი ფეხბურთელები მოიყრიან თავს, ათიანები, და მეორე თავდამსხმელები. კონკურენცია ძალიან დიდია. არც მე ვიცი ვის ავირჩევდი და ამჯერად ძალიანაც კმაყოფილი ვარ, რომ საკუთარ აზრს არ გამოვთქვამ. ასე რომ, თქვენთვის მომინდია არჩევანი. 

აქვე დავამატებ რომ დიეგო მარადონას მეტი შანსი აღარ ექნება. ან, ახლა, ან არასდროს. რივალდო და იოჰან კრუიფი კიდევ შეგხვდებათ მარცხენა გარემარბის პოზიციაზე, მაგრამ იქ კიდევ უფრო დიდი კონკურენციაა მოსალოდნელი. 

აბა დავიწყოთ: 

ლადისლაო “ლაზლო” კუბალა (1951 – 61) 

🔵 ტიტულები:

✔ 4x ლა ლიგა
✔ 5x გენერლის თასი (კოპას წინამორბედი)
✔ 2x საერთაშორისო თასი 
✔ 1x ლათინური ჩემპიონატის თასი 
✔ 2x ევა დუარტეს თასი

“ბარსელონაში” ჩაატარა 345 მატჩი.
გაიტანა 280 გოლი.
შეასრულა 50 საგოლე გადაცემა. 

ბარსას ქომაგებმა მე-20 საუკუნის საუკეთესო ფეხბურთელად აღიარეს. დააყენეს კრუიფზე, მარადონაზე, რომარიოზე და რონალდოზე მაღლა. განსაკუთრებით უყვარდა და კამპ ნოუს აშენებასაც მის სახელს მიაწერენ. ამიტომაც ამშვენებს სტადიონის წინა ადგილს კუბალას ძეგლი. როგორღაც წააგო ჩემპიონთა თასის ფინალი, თანავარსკვლავედი ჰყავდა ბარსას, დიად უნგრელებს პლუს ლუის სუარესი და ევარისტო, მაგრამ მაინც 2:3 წააგეს “ბენფიკასთან”. რომ არა ეს მარცხი, კუბალა კიდევ უფრო დიდ სახელს დატოვებდა.  

ლუის სუარეს მირამონტესი (1955 -61)

🔵 ტიტულები:

✔ 2x ლა ლიგა
✔ 2x გენერლის თასი
✔ 2x საერთაშორისო თასი

“ბარსელონაში” ჩაატარა 253 მატჩი.
გაიტანა 141 გოლი.
შეასრულა 37 საგოლე გადაცემა. 

ერთადერთი ესპანელი ოქროს ბურთით. ჩემპიონთა თასი ბარსაში ვერა, მაგრამ ინტერში მოიგო. ნაკრებთან ერთად კი ევროპის ჩემპიონობა იზეიმა. კონკურენცია ჰქონდათ მას და კუბალას, საბოლოოდ, ამიტომ წავიდა ინტერში. ვერ იქცა კულეების საყვარელ ფეხბურთელად, მაგრამ ლეგენდად დარჩა. 

იოჰან კრუიფი (1973 – 78)

🔵 ტიტულები:

✔ 1x ლა ლიგა
✔ 1x კოპა დელ რეი

“ბარსელონაში” ჩაატარა 180 მატჩი.
გაიტანა 60 გოლი.
შეასრულა 83 საგოლე გადაცემა. 

ტიტულებით დიდად ვერ დაიკვეხნის ბარსაში, მაგრამ მაინც უდიდესი კვალი დატოვა, რადგან დიდი კრიზისის დროს მოვიდა კლუბში, ბარსას 14 წლიანი პაუზის მერე მოაგებინა ლა ლიგა. დაამარცხა “მადრიდი” “ბერნაბეუზე” 5:0. და მოიგო კიდევ ერთი ოქროს ბურთი. იოჰანის ნაფეხურებზე იზრდებოდნენ ბარსელონას ლეგენდები. 

დიეგო არმანდო მარადონა (1982 – 1984)

🔵 ტიტულები:

✔ 1x კოპა დელ რეი
✔ 1x ლიგის თასი

“ბარსელონაში” ჩაატარა 58 მატჩი.
გაიტანა 38 გოლი.
შეასრულა 23 საგოლე გადაცემა. 

მიქაელ ლაუდრუპი (1989 – 94)

🔵 ტიტულები:

✔ 4x ლა ლიგა
✔ 1x კოპა დელ რეი
✔ 2x ესპანეთის სუპერ თასი
✔ 1x ჩემპიონთა ლიგა 
✔ 1x უეფას სუპერ თასი 

“ბარსელონაში” ჩაატარა 226 მატჩი.
გაიტანა 54 გოლი.
შეასრულა 26 საგოლე გადაცემა. 

ინიესტას საყვარელი ფეხბურთელი. კლასიკური ათიანი. ტექნიკისა და პასის დიდოსტატი. ცოტა დაიჩაგრა ლეგიონერების ამბავში. რომარიოს მოსვლის შემდეგ მოედანზე მხოლოდ სამი ლეგიონერი უნდა ყოფილიყო, ლაუდრუპი კი კუმანთან, სტოიჩკოვთან და რომარიოსთან კონკურენციაში ხშირად იჩაგრებოდა. არადა, დიდებული სანახავი იყო მისი და რომარიოს თამაში. 

რივალდო (1997 – 2002)

🔵 ტიტულები:

✔ 2x ლა ლიგა
✔ 1x კოპა დელ რეი
✔ 1x უეფას სუპერ თასი

“ბარსელონაში” ჩაატარა 235 მატჩი.
გაიტანა 130 გოლი.
შეასრულა 49 საგოლე გადაცემა. 

ხუთი წელი გაატარა ბარსაში და ოთხი ბრწყინვალე სეზონი ჩაატარა. მეხუთეში ტრავმებმა შეუშალეს ხელი, მაგრამ მოიშუშა თუ არა მუნდიალზე წავიდა და ოქრო მოიგო. რივალდო იყო ბარსას სული და გული. ერთადერთი ნათელი წერტილი ბნელ პერიოდში. ასეთ გმირებს ასე ემართებათ – ყველაფერი გაიღო კლუბისთვის და მაინც უმადურად გააგდეს.

ანდრეს ინიესტა (2002 – 2018)

🔵 ტიტულები:

✔ 9x ლა ლიგა
✔ 6x კოპა დელ რეი
✔ 6x ესპანეთის სუპერ თასი
✔ 4x ჩემპიონთა ლიგა 
✔ 3x უეფას სუპერ თასი 
✔ 3x ფიფას საკლუბო ჩემპიონატი 
✔ მსოფლიოსა და ევროპის ჩემპიონი 

“ბარსელონაში” ჩაატარა 674 მატჩი.
გაიტანა 57 გოლი.
შეასრულა 136 საგოლე გადაცემა. 

ინიესტაზე უკვე ყველაფერი ითქვა.

სახსენებელი ხალხი: 

შუსტერი

ჰაჯი

ჯოვანი 

და სხვანი…