ბარსელონა 3-2 რეალ მადრიდი | ჰანსი ფლიკის გუნდი კოპა დელ რეის ჩემპიონია!

ბარსელონამ კოპა დელ რეის ფინალში რეალ მადრიდი 3-2 დაამარცხა და მიმდინარე სეზონში მეორე ტიტული მოიგო.

ბარსა პედრის შესანიშნავი გასროლით დაწინაურდა. ამის შემდეგ, კილიან მბაპეს საჯარიმო დარტყმითა და ორელიენ ჩუამენის თავურით, რეალ მადრიდი წინ გავიდა, მაგრამ ფერან ტორესმა ანგარიში გაათანაბრა. საქმე დამატებით დრომდე მივიდა, თუმცა არა პენალტების სერიამდე – დაპირისპირების მიწურულს, 116-ე წუთზე ჟიულ კუნდემ გაისროლა და ბარსელონას მოაგებინა!

ბარსელონა 3-2 რეალ მადრიდი

⚽️ 1-0 | პედრი 28’ (ბარსელონა)

⚽️ 1-1 | მბაპე 70′ (რეალ მადრიდი)

⚽️ 1-2 | ჩუამენი 77’ (რეალ მადრიდი)

⚽️ 2-2 | ტორესი 84’ (ბარსელონა)

⚽️ 3-2 | კუნდე 116′ (ბარსელონა)

შედეგად, ესპანეთის სუპერ თასის ფინალის შემდეგ, რომელშიც “ლურჯ-ბროწეულისფერებმა” 5-2 იმარჯვეს, ბარსელონამ რეალ მადრიდი კოპა დელ რეის ფინალშიც დაამარცხა და, ზოგადად, მადრიდელებს ამ სეზონში მესამედ მოუგო: 4-0, 5-2, 3-2.

ბარსელონა კოპა დელ რეის ისტორიაში 32-ედ დაეუფლა, რაც აბსოლუტური რეკორდია. ამ მხრივ, მეორე ადგილს ბილბაო (24) იკავებს, რეალ მადრიდი კი მესამეზეა (20).

“ბლაუგრანას” მომდევნო მატჩი 30 აპრილს, ჩემპიონთა ლიგის ნახევარფინალში, ინტერის წინააღმდეგ ელის. მონჟუიკზე გასამართი შეხვედრა სტარტს 23:00 საათზე აიღებს.