პროფესიონალ ფეხბურთელთა საერთაშორისო გაერთიანებამ (FIFPRO) 2026 წლის მსოფლიოს სიმბოლურ ნაკრებში მოსახვედრად 26 კანდიდატი დაასახელა. ნომინანტთა შორის “ბარსელონას” ოთხი წარმომადგენელია: პაუ კუბარსი, როდრი, პედრი და ლამინ იამალი.
სიაში მოხვდა საქართველოს ნაკრებისა და “პარი სენ-ჟერმენის” შემტევი ხვიჩა კვარაცხელიაც, რომელიც მსოფლიოს საუკეთესო თავდამსხმელებს შორის ადგილის მოპოვებისთვის იბრძვის.
კანდიდატები მსოფლიოს 73 ქვეყნის 19 806 პროფესიონალი ფეხბურთელის ხმებით გამოვლინდნენ. შეფასებისას გათვალისწინებული იყო 2025 წლის 4 აგვისტოდან 2026 წლის 19 ივლისამდე ნაჩვენები შედეგები, როგორც საკლუბო ტურნირებზე, ისე სანაკრებო დონეზე, მათ შორის მსოფლიო ჩემპიონატზე.
“ბარსელონას” 26 კანდიდატიდან ოთხი ფეხბურთელი წარმოადგენს. ამ მაჩვენებლით კატალონიური კლუბი პირველ ადგილს “რეალ მადრიდთან”, “პარი სენ-ჟერმენთან” და “არსენალთან” იყოფს.
აღსანიშნავია, რომ პედრი და ლამინ იამალი FIFPRO-ს 2025 წლის სიმბოლურ ნაკრებშიც მოხვდნენ.
საბოლოო თერთმეტეული 9 ნოემბერს გამოცხადდება. მასში ერთი მეკარე, სამი მცველი, სამი ნახევარმცველი და სამი თავდამსხმელი მოხვდება. დარჩენილი ერთი ადგილი კი ყველაზე მეტი ხმის მქონე იმ მინდვრის მოთამაშეს ერგება, რომელიც თავდაპირველ ათეულში ვერ მოხვდა.
forum კომენტარები (0)