ჟერარ პიკე: გოლის შემდეგ, მემფისმა მადლობა გადამიხადა

როგორც ჩანს, პანდემია დასასრულისკენ მიდის. სხვა ქვეყნებში სტადიონები უკვე ბოლომდე ივსება. იმედია, “კამპ ნოუზე” 90 000 გულშემატკივარი მალე გვეყოლება. სავსე “კამპ ნოუ”, განსაკუთრებით, მნიშვნელოვან მატჩებში მაკლია.

“ბარსელონა” მსოფლიოს უდიდესი კლუბია. ახალ ეპოქას ლეოს გარეშე ვიწყებთ, მაგრამ ყველაფერი გამოგვივა. კლუბს საუკეთესო ადამიანები მართავენ, “ბარსას” ასეთი სიტუაციები აქამდეც გადაუტანია.

სიმართლეს ვერ დავმალავ, ბართომეუსთან თავს მოტყუებულად ვგრძნობდით. ჟოანი ფეხბურთელებთან უფრო ახლოსაა, ჩემი აზრით, იგი კლუბში წესრიგს ამყარებს.

სხვათა შორის, დღეს, ბართომეუს ცეკვის ვიდეო შემხვდა, ქანქარას ჰგავდა.

სელფების შესახებ ბევრი მეკითხება. უბრალოდ მოწყენილი ვიყავი, ეს მხოლოდ ხუმრობაა.

წვერის გაზრდას ჯერ არ ვაპირებ, ასე უფრო ახალგაზრდულად გამოვიყურები. მაგრამ წვერის ყოველ ორ დღეში ერთხელ პარსვა ცოტა დამღლელია.

ახლავე შემიძლია ვთქვა, რომ ნიკო და გავი “ბარსაში” კიდევ დიდხანს ითამაშებენ. ჩვენ გვყავს რიკი, ანსუ, პედრი, არაუხო, დემირი და სხვები. მომავლისთვის, შესანიშნავი შემადგენლობა გვეყოლება.

იუსუფ დემირის დრიბლინგი მესის მახსენებს. ძალიან ახალგაზრდაა, მაგრამ უკვე მაღალ დონეზე თამაშობს. დარწმუნებული ვარ, რომ გუნდის დახმარებას შეძლებს.

დამიჯერეთ, არნაუ ტენასი მომავალი ვიქტორ ვალდესია.