მარსელინო გარსია ტორალი ბარსელონასთან მატჩის წინ

ჩვენ მუდამ მოგებისთვის ვიბრძვით, გადასალახი სირთულეების გვესმის, თუმცა დანებებას არ ვაპირებთ და წარმატებისთვის ყველაფერს გავაკეთებთ.

“ლურჯ-ბროწეულისფერებთან” გასვლაზე თამაში რთული იქნება, რადგან ისინი საკუთარ მოედანზე ბრწყინვალედ გამოიყურებიან და მათი დამარცხება რთულია. “ბარსა” სახლში მაქსიმუმს აკეთებს.

აუცილებელია, “ბლაუგრანას” წინააღმდეგ თავი კარგად დავიცვათ, ეფექტურად შევუტიოთ და იღბალმა ზურგი არ გვაქციოს. თუ ყველა ასპექტს იდეალურად არ შევასრულებთ, გამარჯვება წარმოუდგენელი იქნება, მაგრამ ესპანეთის სუპერ თასზე მათ წინააღმდეგ ნაჩვენები შედეგის გამო, ოპტიმისტურად უნდა განვეწყოთ.

„ატლეტიკის“ ცუდი სერია? არასდროს ვიცით, სწორი მომენტი როდისაა, თუმცა კარგდ სიტუაციაში ვართ. სითამამე უნდა გამოვიჩინოთ. პირველ შეხვედრაში, „ბარსელონამ“ გვაჯობა, მეორე მატჩში კი დამატებით დრომდე მოგებას ვიმსახურებდით.

ყველა დაპირისპირებაში „ბარსა“ ფავორიტია, მაგრამ დადებითი რეზულტატის მოსაპოვებლად უკან არ დავიხევთ.

ვერ გეტყვით, ჩემი მოსვლის შემდეგ რა შევცვალეთ. თავდაუზოგავად და თავმდაბლობით უნდა ვიმუშაოთ. ფეხბურთელებთა ამბიციები ამ ყველაფერს განაპირობებს. „ატლეტიკოსთან“ მატჩის გადადებამ ჩვენზე კარგად იმოქმედა, თუმცა შემდეგში ასე მომზადების საშუალება არ გვექნება.

მოთამაშეებს ყველაზე დიდი პასუხისმგებლობა აქვთ, ვინაიდან, მოედანზე ისინი გადიან, იბრძვიან და ყველას დამარცხება ევალებათ.