სამეცნიერო კვლევის შედეგი – მესი ლა ლიგის ისტორიაში საუკეთესო ფეხბურთელია

FIFA-ს მიერ აღიარებულმა კომპანია CIHEFE-მ ლა ლიგაში 1928 წლიდან 2020 წლამდე მოთამაშე ფეხბურთელების სტატისტიკური მონაცემების მიხედვით სამეცნიერო კვლევა ჩაატარა და დაადგინა, რომ ესპანეთის ჩემპიონატის საუკეთესო ფეხბურთელი ლიონელ მესია. 

კრიტერიუმებში შედიოდა გოლების რაოდენობა, გოლების ტიპები, ბარათები და დისკვალიფიკაციები, სასტარტო შემადგენლობის რეგულარული წევრობა, საერთაშორისო მატჩები და სხვ. საუკეთესოების გამოსავლენად სულ 9 724 მოთამაშის მონაცემები შეადარეს. 

ტოპ 5 ადგილი ასე გადანაწილდა:

1. ლიონელ მესი (ბარსელონა) – 695 ქულა

2. კინი (ხიხონი, ბარსელონა) – 566 ქულა

3. სესარ როდრიგესი (ბარსელონა, ელჩე) – 557 ქულა

4. ტელმო სარა (ბილბაო) – 532 ქულა

5. რაულ გონსალესი (რეალი) – 528 ქულა

აღსანიშნავია, რომ მადრიდის “რეალის” ლეგენდა, კრიშტიანუ რონალდუ, 457 ქულით მე-12 ადგილზე გავიდა.