კორონავირუსის შემთხვევების რაოდენობა პრიმერა დივიზიონის კლუბებშიც იზრდება.
ახლახან ცნობილი გახდა, რომ საფეხბურთო კლუბ “ვალენსიას” მესამედზე მეტი ინფიცირებულია. აქამდე ვიცოდით, რომ დაავადებულთა შორის იმყოფებოდნენ: ეზეკიელ გარაი, ხოსე გაია, ელიაკიმ მანგალა, პაკო კამარასა და ექიმი ხუან ალიაგა.
“ღამურების” ოფიციალურ განცხადებაში ვკითხულობთ:
“ვალენსია” კლუბში Covid-19-ის ახალ შემთხვევებს ადასტურებს. ინფიცირებულნი სახლებში ექიმთა მეთვალყურეობის ქვეშ იმყოფებიან. მიუხედავად “სან სიროზე” თამაშის შემდეგ გატარებული თავდაცვის ზომებისა, გუნდის 35%-ის ტესტებმა დადებითი პასუხი აჩვენა.”
შეგახსენებთ, რომ 19 თებერვალს “ვალენსია” ჩემპიონთა ლიგის მერვედფინალის ეგიდით “ატალანტას” მილანში დაუპირისპირდა. მოგეხსენებათ, ქალაქი ლომბარდიის რეგიონში მდებარეობს, რომელიც კორონავირუსის ეპიდემიის ერთ-ერთი ცხელი წერტილია.
იტალიამ მოწამლა ევროპის 80%.