“ხეტაფესთან” მატჩის შემდეგ, “ბარსელონას” ცენტრალური მცველი, ჟერარ პიკე ჟურნალისტებთან გასასაუბრებლად მომზადებული მივიდა. როგორც ჩანს, ესპანელმა იცოდა, რომ მას გუნდის საერთო ვახშამზე ჰკითხავდნენ და 32 წლის ფეხბურთელმა ეს შესაძლებლობა გამოიყენა.
“არ გვინდა, რომ გავბრაზდეთ. ხოლო, თუ არის ორი მხარე და არცერთი ბრაზდება, კონფლიქტიც არ არსებობს.” – ჟერარი გუნდის ბორდის წევრებსა და ფეხბურთელებზე საუბრობს.
“ჩვენ ვიცნობთ ამ კლუბს. ვიცით, გაზეთები, რომლებიც დაკავშირებულია კლუბთან (სავარაუდოდ, იგულისხმა კატალონიური გაზეთები, Sport და Mundo Deportivo). ვიცით, ვინც წერს თითოეულ სტატიას ამ გუნდის შესახებ, იმის მიუხედავად, არის თუ არა მითითებული ავტორი.”
“არ გვინდა, რომ გავბრაზდეთ. ჩვენი მიზანი მოედანზე თამაში და ტიტულების მოგებაა.”
“იმედი მაქვს, რომ არავის უნდა ჩვენი წაქეზება (ფეხბურთელებსა და კლუბის ხელმძღვანელებს შორის კონფლიქტის შექმნის მიზნით) და ჩხუბი იმაზე, რაც არასდროს მომხდარა.” – ციტირებს ჟერარ პიკეს სიტყვებს Marca.
ალბათ, ვერაფერი გაიგეთ, თუმცა ყველაფერს თავისი ახსნა აქვს. მიმდინარე კვირაში, Mundo Deportivo-ს ერთ-ერთმა ჟურნალისტმა, ჩავი ბოშმა სტატია გამოაქვეყნა იმის შესახებ, თუ რამხელა ძალა აქვს “ბარსელონას” გასახდელს. ყველამ იცის, რომ ამ კლუბში ფეხბურთელებს მართლაც დიდი ძალაუფლება აქვთ, თუმცა ჩავიმ ისინი ისეთ რაღაცებშიც დაადანაშაულა, რაშიც, სავარაუდოდ, მათ ბრალი არ მიუძღვით.
ბოში ამტკიცებს, რომ მოთამაშეებმა ტიტო ვილანოვას შემცველი თავად შეარჩიეს. ასევე, პრაქტიკულად მათ გაათავისუფლეს პეპ სეგურა თანამდებობიდან. ჟურნალისტმა ასევე ახსენა ისიც, რომ მოთამაშეები მაშინ იკეთებენ ოპერაციას, როდესაც თავად მოუნდებათ (სავარაუდოდ, იგულისხმება სამუელ უმტიტი და ლუის სუარესი, თუმცა ბოშს თავის სტატიაში სახელები არ უხსენებია). ბოშმა ფეხბურთელები დაადანაშაულა იმაშიც, რომ ისინი ნეიმარის შეძენის მიზნით, უსმან დემბელეს დისკრედიტაციას უწევდნენ.
Marca-ს ცნობით, “ბარსელონას” ფეხბურთელები ფიქრობენ, რომ კლუბის ხელმძღვანელებმა თავად წააქეზეს ჩავი ბოში, რათა სტატიაში მოთამაშეები განტევების ვაცად გამოსულიყვნენ. სწორედ ამის გამო გაიმართა საერთო ვახშამი.
ფეხბურთელებმა კლუბის სადავეები ხელთ იგდეს. თანაგუნდელებს ჟერარ პიკე მეთაურობს. მან უკვე გააფრთხილა ბორდის წევრები, რომ ასეთი რამ აღარ უნდა განმეორდეს, წინააღმდეგ შემთხვევაში, დაიწყება ომი, რომელშიც ერთადერთი დამარცხებული “ბარსელონა” იქნება…
ამათ თავსჰი ჭკუა როკონდეთ ვალვერდეს აქამდე გაგდებინებდნენ
ძაან მგონია რო ხელისუფლებას გადააყენებენ ესენი
ძლიერი ხელი სჭირდწბათ ამათ
იმედია გამოფხიზლდება ბართომეუ და ზამთარში მოაშორებს ვალვერდეს თორე დაგვემხო თავზე კლუბი
გუნდი რომ დაშლილი და კლანებად დაყოფილია აშკარად ეტყობა და რაც ყველაზე მთავარია გუნდს მწვრთნელი მოტივატორი სჭირდება.
აი პიკე სანამ პრეზიდნეტი არგაიჩითებაა მეეჭვება რო ძველი ბარსა დაბრუნდეს😉😉
მესი როდის ბრუნდება?
ყველაფერი რო გასხდელში და გუნდში დაწყობილი აღარა,ყველა ვხედავთ, ამიტოა საჭირო მწვრთნელი რომელსაც ავტორიტეტი ექნება, რო ამდენი ვარსკლავი თან მოტივაცია გაუჩინოს და შეკრას ერთ გუნდად და თან მისი ავტორიტეტით , დიდი პატივისცემა ქონდეს ფეხბურთელებისგან!! რომელი გააჩნია ვალიკოს??? არცეთი იმიტო დაიწყო დაჯგუფებები ბარსაში, რასაც არცეთ გუნდში სიკეთე არ მოუტანია,მოსაშორებელია სასწრაფოდ ვალიკო
მინიმუმ ნახევარი რო სიმართლეა და სტაფი არ ევასებათ ფეხბურთელებს ეგ ჰო იასნია