„ბარსელონას“ გავლენა ესპანეთის ნაკრებში მცირდება

თქვენ უკვე იცით, რომ ესპანეთის ეროვნული ნაკრები ფარერებს (4:0) “ბარსელონას” ფეხბურთელების გარეშე გაუმკლავდა.

2015 წლის 12 ოქტომბერს გამართული უკრაინა-ესპანეთის დაპირისპირების შემდეგ, ეს იყო პირველი შემთხვევა, როცა “ფურია როხას” სასტარტო შემადგენლობაში არც ერთი “ბლაუგრანას” ფეხბურთელი არ ყოფილა, ვკითხულობთ საფეხბურთო პორტალ Tribuna-ზე.

ამავდროულად, სათადარიგოთა სკამზე კატალონიელთა მხოლოდ ორი წარმომადგენელი (სერხიო ბუსკეტსი, ჟორდი ალბა) იყო და არც ეს შეიძლება ჩაითვალოს მისაღებ ფაქტად.

გუშინდელ შეხვედრაში ძირითად შემადგენლობაში “ვალენსიას” (3), “რეალის” (2), “ატლეტიკოს” (1), “სოსიედადის” (1), “იუნაიტედის” (1), “სიტის” (1), “ბაიერნისა” (1) და “მილანის” (1) მოთამაშეები მოხვდნენ.

აუცილებლად უნდა აღინიშნოს, რომ 2010 წელს, მსოფლიო ჩემპიონატის ფინალში ესპანეთის ნაკრების ძირითადი 11 ფეხბურთელიდან 7 სწორედ “ლურჯ-შინდისფერთა” რიგებში ირიცხებოდა და იმ მუნდიალზე გასული ყველა გოლი სწორედ “ბარსელონელებმა” გაიტანეს.