დიახ დიახ, არ გეჩვენებათ, ერნესტო ვალვერდეს შეგირდებმა “ანოეტაზე” მოიგეს – ბოლოს მსგავსი შემთხვევა, როდესაც “ბარსელონამ” ამ სტადიონზე ესპანეთის ჩემპიონატის ეგიდით გამართულ მატჩში იმარჯვა, 2007 წლის 5 მაისს დაფიქსირდა. მაშინ, ანდრეს ინიესტასა და სამუელ ეტო’ოს გოლებით, კატალონიელებმა მეტოქეს 2:0 სძლიეს.
დღევანდელი შეხვედრა ბევრად უფრო დრამატული გამოდგა. ვილიან ხოსესა და ხუანმის გოლების წყალობით 34-ე წუთზე მასპინძლებს უკვე 2-ბურთიანი უპირატესობა ჰქონდათ და “ანოეტა” თითქოს ზედიზედ მე-11 წლის მანძილზე ხელშეუხებელი დარჩა. თუმცა, არსებული დეფიციტის მიუხედავად კატალონიელები არ დანებდნენ და მათმა შრომამ შედეგი გამოიღო.
პირველი ტაიმის მიწურულს, 39-ე წუთზე, პაულინიომ ერთი ბურთი გაქვითა, მეორე ტაიმის სტარტზე კი (50′) ლუის სუარესმა ულამაზესი დარტყმით წონასწორობა აღადგინა. მიუხედავად ცუდი ამინდისა, კატალონიურმა გრანდმა მატჩი სასურველი სცენართ წარმართა და მალევე, “ლურჯ-შინდისფერთა” ურუგვაელმა გოლეადორმა ტაბლოზე ის ანგარიში დააფიქსირა, რომელიც პირველ ნახევარში ქომაგთა დიდი ნაწილისთვის ალბათ წარმოუდგენელი იყო.
შეხვედრას საბოლოო წერტილი პლანეტის საუკეთესო მოთამაშემ, ლეო მესიმ დაუსვა – არგენტინელმა საჯარიმო დარტყმა იმდენად საოცრად შეასრულა, რომ “სოსიედადის” მეკარე რეაგირების გარეშე აკვირდებოდა განვითარებულ მოვლენებს.
16 გამარჯვება, 3 ფრე, 52 გატანილი გოლი, 9 გაშვებული ბურთი და 51 ქულა – ერნესტო ვალვერდემ ესპანეთის ჩემპიონატის პირველ წრეში იდეალური შედეგი აჩვენა. კატალონიელები ბომბარდირთა დავაშიც კი ლიდერობენ – ლეო მესი (17) და ლუის სუარესი (13). მოცემულ მომენტში ლა ლიგის სატურნირო ცხრილი ასე გამოიყურება:





stemforylinji
სრულიად გეთანხმები.
მაგათ მზესუმზირასავით გავკვნეტავთ 🙂
stemforylinji
სრულიად გეთანხმები.
ეს სევილია რა ჩოილარი გუნდია რა….მოეგო და რეალს ხო ქულებით გაუტოლდებოდა…უფრო მაგარი სანახავი იქნებოდა სატურნირო ცხრილი…
მე მაინც ვერ მივამსგავსე და ჯობია მალე გაუშვან…