“ბარსელონა” ვაშინგტონშია. ერნესტო ვალვერდე სამწვრთნელო შტაბსა და 26 ფეხბურთელთან ერთად რონალდ რეიგანის სახელობის აეროპორტში ჩაფრინდა.
კატალონიელები ქალაქში 2 ღამეს გაატარებენ. ისინი “მანჩესტერ იუნაიტედს” 27 ივლისს, 03:30 საათზე დაუპირისპირდებიან. ეს რიგითი ამხანაგური მატჩი არ არის. “ბარსელონა” აშშ-ში “წითელ ეშმაკებს” საერთაშორისო ჩემპიონთა თასის ფარგლებში შეხვდება. “ბლაუგრანამ” ტურნირი “იუვენტუსთან” გამარჯვებით (2:1) დაიწყო.
“წითელ ეშმაკებთან” დაპირისპირების შემდეგ, “ლურჯ-ბროწეულისფერთა” მომდევნო მეტოქე მადრიდის “რეალი” იქნება. “ელ კლასიკოს” კრიშტიანუ რონალდუ გამოტოვებს.



