“ბარსელონას” ნახევარმცველმა, ივან რაკიტიჩმა, კატალონიურ კლუბში თავის მომავალზე ისაუბრა.
ადრე რამდენიმე უცხოურმა პრესამ გაავრცელა ინფორმაცია, რომ ხორვატმა ფეხბურთელმა, შესაძლოა, კარიერა “მანჩესტერ სიტიში” ან “იუვენტუსში” გააგრძელოს.
“ბარსელონაში” სამუდამოდ დარჩენა – ეს ჩემი ოცნებაა.
ჩემი წარმომადგენელი, არტურო კანალესი და კლუბის პრეზიდენტი კონტრაქტზე მოლაპარაკებებს აწარმოებენ, რომელიც სრულად შესაძლებელია ორივე მხარისთვის დამაკმაყოფილებელი იყოს.
“ბარსელონას” წინადადებაზე კონტრაქტის გახანგრძლივებასთან დაკავშირებით მე უარი არ მითქვამს – ჩვენ კვლავ ვაგრძელებთ მოლაპარაკებებს. მჯერა, რომ კლუბში დავრჩები. მჯერა, რომ არტურო კანალესი და ხოსეპ ბართომეუ შეთანხმდებიან.” – განაცხადა რაკიტიჩმა.
ამ სეზონში, ივან რაკიტიჩმა პრიმერას 14 მატჩში მიიღო მონაწილეობა და თავი 2 გოლითა და 2 შედეგიანი გადაცემით გამოიჩინა.
