რაფინიამ ვარჯიში დაიწყო

“ბარსელონას” ბრაზილიელმა შემტევმა ნახევარმცველმა, რაფინია ალკანტარამ, რამდენიმეთვიანი პაუზის შემდეგ, დღეს, პირველად ივარჯიშა.

რაფინიამ ტრავმა 2015 წლის 16 სექტემბერს, “რომასთან” ჩემპიონთა ლიგაზე გამართულ შეხვედრაში მიიღო. 22 წლის ფეხბურთელმა ჯვარედინა მყესები დაიზიანა, რაც, ფეხბურთში, ერთ-ერთ ყველაზე რთულ ტრავმად ითვლება.

ტრავმის მიღებიდან გავიდა 5 თვე და დღეს, რაფინიამ პირველი ვარჯიში ჩაატარა. ის გუნდის წევრებისგან განცალკევებით, ინდივიდუალურად ვარჯიშობდა.

ჯერჯერობით უცნობია, როდის შეძლებს ბრაზილიელი ფეხბურთელი თამაშში დაბრუნებას.