პედრი – ფეხბურთელი, რომელიც ყველაზე მეტ ბურთს იბრუნებს

პედრი პირველ რიგში ბურთის ფლობით, თამაშის ტემპის მართვითა და ზუსტი გადაცემებით გამოირჩევა, თუმცა ჰანსი ფლიკის გუნდში მას არანაკლებ მნიშვნელოვანი როლი აქვს დაცვით ფაზაშიც.

Barça 1899 Stats-ის მონაცემებით, 2026 წელს პედრიმ “ბარსელონას” ფეხბურთელებს შორის ყველაზე მეტი, 168 ბურთი დაიბრუნა. შემდეგ მოდიან ლამინ იამალი – 115, ერიკ გარსია – 112, დანი ოლმო – 108 და პაუ კუბარსი – 103.

პედრი ლიდერია საშუალო მაჩვენებლითაც – ყოველ 90 წუთში 6.87 ბურთის დაბრუნება აქვს.

Analítica Fantasy-ს მიხედვით, მიმდინარე სეზონის პირველი 7 ტურის შემდეგ ის ლა ლიგის მცველებსა და ნახევარმცველებს შორისაც პირველ ადგილზეა. პედრის ანგარიშზე 44 დაბრუნებაა, საშუალოდ 7.9 მატჩში. მას მოსდევენ “ბეტისის” პაბლო ფორნალსი – 40, “ხეტაფეს” ზაიდ რომერო – 38, “ბეტისის” მარკ როკა – 36 და “ესპანიოლის” ედუ ექსპოსიტო – 34.

ამავდროულად, ფლიკი ესპანელი ნახევარმცველის დატვირთვას აკონტროლებს. მიმდინარე სეზონში პედრიმ 564 წუთი ითამაშა და ამ მაჩვენებლით გუნდში მეოთხეა. ის ბოლო 7 შეხვედრაში ძირითად შემადგენლობაში იყო, თუმცა არცერთი მატჩი სრულად არ ჩაუტარებია.