“ბარსელონას” მთავარმა მწვრთნელმა ჰანსი ფლიკმა სანტანდერის “რასინგთან” დღეს, “სპოტიფაი კამპ ნოუზე” გასამართი მატჩისთვის განაცხადი დაასახელა. გერმანელმა სპეციალისტმა პრაქტიკულად იგივე შემადგენლობა გამოიძახა, რომლითაც გასულ კვირას ვალენსიაში “ლევანტეს” დასაპირისპირებლად გაემგზავრა.
ერთადერთი გამონაკლისი აკადემიის აღზრდილი ბრიან ფარინიასია, რომელიც სამწვრთნელო გადაწყვეტილებით სიის მიღმა დარჩა, რადგან სამატჩო განაცხადში ადგილების რაოდენობა 23-ითაა შეზღუდული. ფარინიასი “სიუტატ დე ვალენსიაზე” გამართულ შეხვედრაშიც ტრიბუნაზე იჯდა.
ჰანსი ფლიკის განკარგულებაში სულ 23 ფეხბურთელია:
- მეკარეები: ჟოან გარსია, ვოიცეხ შჩესნი, დომინიკ ლივაკოვიჩი;
- მცველები: ჟოაუ კანსელუ, ალეხანდრო ბალდე, პაუ კუბარსი, ჩავი ესპარტი, ანდრეას კრისტენსენი, ჟერარ მარტინი, ჟიულ კუნდე, ერიკ გარსია;
- ნახევარმცველები: როდრი, გავი, ფერმინ ლოპესი, პედრი, დანი ოლმო, მარკ ბერნალი;
- თავდამსხმელები: გაბრიელ ჟეზუსი, ლამინ იამალი, რაფინია, კარიმ ადეიემი, ენტონი გორდონი, ჰამზა აბდელკარიმი.
კიმარა დე იონგი სადაა ბოლობოლო როდემდე უნდა იყოს ლაზარეთში, ძაან მაინტერესებს როდრისთან ერთად
იმედია სატრანსფერო ფანჯრის გახსნამდე დაბრუნდება.