გავი გუნდს ახალი იმიჯით დაუბრუნდა

“სენტ ჯორჯს პარკში” წინასასეზონო შეკრების დასრულების შემდეგ “ბარსელონა” “სიუტატ ესპორტივაზე” მუშაობას დაუბრუნდა. დღეს ვარჯიშზე ახალი სახეც გამოჩნდა – ესპანეთის ნაკრებთან ერთად მსოფლიო ჩემპიონი გავი შვებულების შემდეგ ინდივიდუალური ვარჯიშით და ახალი ვარცხნილობით დაბრუნდა.

ორდღიანი დასვენების შემდეგ კატალონიელები წინასასეზონო მზადების გასაგრძელებლად შეიკრიბნენ. პირველი გუნდის ყველა ხელმისაწვდომ ფეხბურთელთან ერთად ვარჯიშში “ბარსა ატლეტიკიდან” და 19-წლამდელთა გუნდიდან 17 ახალგაზრდა იღებდა მონაწილეობას: ტომი მარკესი, ჟისტაუ, შეინ კლიუივერტი, ალექს გონსალესი, ჩავი ესპარტი, ტონი ფერნანდესი, ჟოფრე ტორენტსი, ჰამზა აბდელკარიმი, ალვარო კორტესი, ორიანი, ებრიმა, გილე ფერნანდესი, ბრაიან ფარიანიასი, ჟორდი პესკერი, არონ იააკობიშვილი, იკერ როდრიგესი და დიარა.

მსოფლიო ჩემპიონის დაბრუნება

დღის მთავარი სიახლე გავი იყო. 19 ივლისს ამერიკის შეერთებულ შტატებში მსოფლიო ჩემპიონის ტიტულის მოპოვების შემდეგ, “ლა მასიას” აღზრდილი შვებულებიდან დაბრუნდა და ვარჯიშს შეუდგა. “სიუტატ ესპორტივაზე” მისი პირველი ამოცანა ინდივიდუალური მზადების დაწყება იყო.

მოედანზე ასევე გამოჩნდა ახალწვეული ჯესი ბისივუც. მან “სიუტატ ესპორტივა ჟოან გამპერზე” პირველი ვარჯიში ჩაატარა მას შემდეგ, რაც კლუბს ინგლისური შეკრების დროს შეუერთდა.

“ბარსელონა” დღეს ორჯერ ივარჯიშებს, მთავარი ფოკუსი კი შაბათს, უდინეში გასამართ სამთა ტურნირზეა გადატანილი.