“ბარსელონას” ახალწვეულმა, 18 წლის ჯესი ბისივუმ კლუბის ოფისში კონტრაქტზე ხელმოწერის შემდეგ, მედიასთან გაკეთებულ პირველ კომენტარში ტრანსფერით გამოწვეული ბედნიერება ვერ დამალა.
პირველი შთაბეჭდილებები და ოცნების ახდენა
ბისივუმ კლუბში გატარებული პირველი დღეები დადებითად შეაფასა:
“ჩემი პირველი დღეები ძალიან კარგი იყო. დიდმა ოჯახმა მიმიღო და ამისთვის ძალიან მადლიერი ვარ. ძალიან კარგად დამხვდნენ, ყველა მეგობრულია და მადლობას ვუხდი მათ.”
ახალგაზრდა ფეხბურთელმა თავის ემოციებზეც ისაუბრა:
“აქ ყოფნა და ამ ყველაფრის საკუთარი თვალით ხილვა სრულიად განსხვავებული გრძნობაა. ბავშვობაში ყოველთვის ვოცნებობდი ისეთ დიდ კლუბში თამაშზე, როგორიც ‘ბარსელონაა’, ამიტომ ეს ჩემთვის ოცნების ახდენაა.”
საუბარი ფლიკთან და მზადყოფნა
კითხვაზე, ესაუბრა თუ არა უკვე მთავარ მწვრთნელს, ბისივუმ უპასუხა:
“ჰანსი ძალიან კარგად დამხვდა, რამდენჯერმე ვისაუბრეთ და ძალიან ადვილი გასაგებია, თუ რა უნდა გავაკეთო: ძალიან ბევრს ვიმუშავებ და მაქსიმალურად ბევრს ვისწავლი.”
თანაგუნდელების დახვედრასა და საკუთარ მიზნებზე მან დაამატა:
“ყველა ძალიან ყურადღებიანი იყო. ამ სეზონში ბევრს ვიშრომებ, საუკეთესო თვისებებს გამოვავლენ და ვნახავთ, როგორ წარიმართება ყველაფერი. მინდა ამ გერბისთვის მაქსიმუმი გავიღო.”
საკუთარ ფიზიკურ ფორმასთან დაკავშირებით ფეხბურთელმა განმარტა:
“როდესაც მწვრთნელს დავჭირდები, მზად ვიქნები. უბრალოდ მინდა ბევრი ვიმუშავო, რათა მუდმივად ფორმაში ვიყო.”
ბოლოს კი “სპოტიფაი კამპ ნოუს” შესახებაც ისაუბრა:
“სპოტიფაი კამპ ნოუ” ტელევიზორში მაქვს ნანახი, მაგრამ პირადად ჯერ არა.”
forum კომენტარები (0)