დღეს, 13 ივლისს, “ბარსელონას” მარჯვენა გარემარბი და მსოფლიო ფეხბურთის ერთ-ერთი ყველაზე კაშკაშა ვარსკვლავი, ლამინ იამალი 19 წლის გახდა. ახალგაზრდა ასაკის მიუხედავად, ესპანელმა მოთამაშემ უკვე მოახერხა ისეთი შედეგების დაფიქსირება, რაზეც ბევრი ფეხბურთელი მხოლოდ იოცნებებს.
შთამბეჭდავი სტატისტიკა და მოგებული ტიტულები
კარიერის ამ ადრეულ ეტაპზე იამალის ანგარიშზე უკვე 55 გოლი და 53 საგოლე გადაცემაა. გუნდურ დონეზე მან უდიდეს წარმატებებს მიაღწია როგორც კლუბთან, ისე ეროვნულ ნაკრებთან ერთად. ლამინის საკლუბო და სანაკრებო ტიტულების სია ასე გამოიყურება:
- 3 ლა ლიგა
- 2 ესპანეთის სუპერ თასი
- 1 ესპანეთის თასი
- 1 ევროპის ჩემპიონატი
ისტორიული რეკორდები და ინდივიდუალური ჯილდოები
ტიტულების გარდა, იამალმა არაერთი ისტორიული რეკორდი დაამყარა და ტურნირების ისტორიაში საკუთარი სახელი სამუდამოდ ჩაწერა. ის არის:
- ყველაზე ახალგაზრდა მეგოლე ლა ლიგის ისტორიაში;
- ყველაზე ახალგაზრდა მეგოლე ჩემპიონთა ლიგის ისტორიაში;
- ყველაზე ახალგაზრდა მეგოლე ევროპის ჩემპიონატის ისტორიაში.
გარდა ამისა, ესპანეთის ეროვნულ ნაკრებთან ერთად ევრო 2024-ის ტრიუმფით დასრულების შემდეგ, ის ტურნირის საუკეთესო ახალგაზრდა მოთამაშედ დასახელდა.
დაჭკვიანებას უსურვებს ალბათ მთელი მსოფლიო.
კი მე მგონი მარტო ეგღა დარჩა და მშვენიერი ფეხბურთელი დადგება.