“ბარსელონას” მთავარმა მწვრთნელმა, ხერარდო მარტინომ, “აიაქსთან” მოგებული თამაშის შემდეგ პრესკონფერენცია გამართა და ჟურნალისტებთან მატჩის მიმდინარეობაზე ისაუბრა.
“უშეცდომოდ არ გვითამაშია, მაგრამ კარგი მატჩი ჩავატარეთ. მე-2 ტაიმში უკეთ გამოვიყურებოდით, ვიდრე პირველში. შესვენების შემდეგ თამაშს უკეთ ვაკონტროლებდით, მეტოქეს ვაპრესინგებდით და დაცვაშიც უკეთ გამოვიყურებოდით. მე-2 ტაიმშიც ისევე რომ გვეთამაშა, როგორც პირველში, ნაბიჯს უკან გადავდგამდით, მაგრამ შეცდომები გამოვასწორეთ და მჯერა, რომ პროგრესიც განვიცადეთ. მნიშვნელოვანი ცვლილებები გვაქვს. ვფიქრობ, ჩვენი მოგება განსაკუთრებულია იმის გამო, რაც მე-2 ტაიმში გავაკეთეთ.
დიდი დრო არ გასულა მას შემდეგ, რაც “ბარსელონა” ბრწყინავდა და ამიტომ, გულშემატკივრები ძალიან მომთხოვნები არიან. მესმის, რომ ისინი პირველი ტაიმით უკმაყოფილონი დარჩნენ, მაგრამ მათ მე-2 ტაიმით კმაყოფილების მიზეზი აქვთ.
ჩვენი მიზანია მივაღწიოთ იმ დონეს, რომელზეც “ბარსა” იმყოფებოდა. არ გვინდა გუნდის თამაშის სტილი შევცვალოთ. მე მინახავს, როგორ აკეთებდა რაფაელ მარკესი გრძელ გადაცემებს 5 წლის წინათ. თუ ჩვენ თამაშის ალტერნატიულ გზებს ვეძებთ, ეს არ ნიშნავს, რომ სტილს ვცვლით.”
