“ბარსელონას” სპორტულმა დირექტორმა, ანდონი სუბისარეტამ განაცხადა, რომ დავიდ ვილია გუნდისთვის ძალიან მნიშვნელოვანი მოთამაშეა.
ბოლო დროს ვილია იშვიათად ხვდება ძირითად შემადგენლობაში და უფრო მეტად ვრცელდება ხმები იმის შესახებ, რომ სეზონის დასრულების შემდეგ ასტურიელი “ბარსელონას” დატოვებს.
“გულშემატკივრებმა მხარი დაუჭირეს ვილიას აპლოდისმენტებით იმ დროს, როცა ის შეცვლაზე შედიოდა მოედანზე. მათ იციან, თუ როდის ჭირდება მოთამაშეს მხარდაჭერა. ასეთივე ჭესტით დაუჭირეს მათ მხარი ადრიანო კორეიას. ვილია “ბარსელონასთვის” იტანდა გოლებს და გააგრძელებს გუნდისთვის იმის მიცემას, რაც შეუძლია” – განაცხადა ანდონი სუბისარეტამ.


