Diario Gol: მესი რონალდუს გადაწყვეტილებით უკმაყოფილოა

"ბარსელონას" ლიდერი ლიონელ მესი მისი უმთავრესი კონკურენტის, კრიშტიანუ რონალდუს გადაწყვეტილებით, დატოვოს "რეალი", უკმაყოფილოა. ამ ინფორმაციას Diario Gol ავრცელებს.

ბოლო დღეებში გავრცელებული ინფორმაციის თანახმად, ესპანეთის პროკურატურა "რეალის" პორტუგალიელ ლიდერს გადასახადების დამალვაში სდებს ბრალს, რის გამოც, რონალდუს "სამეფო კლუბიდან" წასვლა სურს.

მსგავსი ბრალდებები არც ლეო მესისთვისაა უცხო, თუმცა, არგენტინელმა, ზეწოლას გაუძლო და "ბარსელონაში" დარჩენა გადაწყვიტა.

ესპანელი ჟურნალისტების ცნობით, ლეო უკმაყოფილოა იმით, რომ რონალდუს "რეალიდან" წასვლა აქვს გადაწყვეტილი. არგენტინელი მიიჩნევს, რომ პორტუგალიელი მის მსგავსად უნდა მოიქცეს, ბრალდებები უარყოს და ამჟამინდელ გუნდში თამაში განაგრძოს.