წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 10 დეკემბერს მოხდა.
თამაშები
10 დეკემბერს “ბარსელონამ” 18 ოფიციალური თამაში ჩაატარა, საიდანაც კატალონიელებმა 12 მოიგეს, 2 ფრედ დაასრულეს და 4 წააგეს.
1967 წელი
“სანტიაგო ბერნაბეუზე” გამართული “ელ კლასიკო” 1-1 დასრულდა. სტუმართაგან გოლი სალდუამ გაიტანა.
1981 წელი
დაიბადა “ბარსელონას” ყოფილი ბრაზილიელი ნახევარმცველი ფაბიო როშემბაკი. 2001-2003 წლებში მან “ბლაუგრანას” მაისურით 71 თამაში ჩაატარა და 5 გოლი გაიტანა.
2010 წელი
“ბარსელონა” Qatar Foundation-ს 150 მილიონიან კონტრაქტზე შეუთანხმდა. ეს იყო მაისურზე დატანილ რეკლამაზე კლუბის ისტორიაში პირველი ანაზღაურებადი თანამშრომლობა.
2011 წელი
მადრიდში გამართულ “ელ კლასიკოში” ქარიმ ბენზემამ მასპინძლები 21-ე წამზე დააწინაურა, მაგრამ ალექსის სანჩესის, ჩავისა და სესკ ფაბრეგასის გოლებით “ბარსელონამ” 3-1 მოიგო.
2014 წელი
მესიმ, სუარესმა და ნეიმარმა ერთ მატჩში გოლები პირველად გაიტანეს. ეს ჩემპიონთა ლიგაზე მოხდა, როდესაც “ბარსელონამ” “პარი სენ-ჟერმენი” 3-1 დაამარცხა.
“ბარსელონასთვის” ეს ჩემპიონთა ლიგაზე 150-ე მოგება იყო.
2019 წელი
მილანის “ინტერთან” გამართულ შეხვედრაში გატანით ანსუ ფატი ჩემპიონთა ლიგის (1992 წლიდან) ისტორიაში ყველაზე ახალგაზრდა გოლის ავტორი გახდა. მან ეს 17 წლისა და 40 დღის ასაკში მოახერხა.
"2010 წელი
"ბარსელონა" Qatar Foundation-ს 150 მილიონიან კონტრაქტზე შეუთანხმდა. ეს იყო მაისურზე დატანილ რეკლამაზე კლუბის ისტორიაში პირველი ანაზღაურებადი თანამშრომლობა."
რა დრო იყო, ისეთი ბარსელონა იყო რო ყველა ეხვეწებოდნენ რეკლამის განთავსებას.