ერთი დღე “ბარსას” ისტორიაში – 28 ნოემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 28 ნოემბერს მოხდა.

თამაშები

28 ნოემბერს “ბარსელონამ” 12 ოფიციალური თამაში ჩაატარა, საიდანაც კატალონიელებმა 9 მოიგეს, 1 ფრედ დაასრულეს და 2 წააგეს.

1948 წელი

ლა ლიგის მატჩში “სევილიასთან” 2-1 მოგებულ შეხვედრაში “ბარსელონას” მაისურით ლეგენდარული მეკარის, ანტონი რამალიეტსის დებიუტი შედგა.

1971 წელი

მადრიდში გამართული “ელ კლასიკო” 1-1 დასრულდა. სტუმართაგან გოლი ხუან მანუელ ასენსიმ გაიტანა.

1976 წელი

“ვალენსიასთან” 6-1 მოგებულ შეხვედრაში კლარესმა 5 გოლი გაიტანა.

2005 წელი

რონალდინიომ “ოქროს ბურთი” მოიგო. ის გახდა “ბარსელონას” მე-5 ფეხბურთელი, რომელმაც ამ ჯილდოს მოგება მოახერხა. მანამდე ასეთი მიღწევა ლუის სუარესს, იოჰან კრუიფს, ხრისტო სტოიჩკოვსა და რივალდოს ჰქონდათ.