ერთი დღე “ბარსას” ისტორიაში – 30 აგვისტო

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 30 აგვისტოს მოხდა.

თამაშები

30 აგვისტოს “ბარსელონამ” 5 ოფიციალური თამაში ჩაატარა, საიდანაც კატალონიელებმა 3 მოიგეს, 1 ფრედ დაასრულეს და 1 წააგეს.

1959 წელი

რამონ დე კარანსას ამხანაგურ ტურნირზე “ბარსელონა” “რეალ მადრიდტან” 3-4 დამარცხდა. კატალონიელთაგან გოლები ციბორმა, ვილიავერდემ და ევარისტომ გაიტანეს.

1961 წელი

ლადისლაო კუბალას გაცილების მატჩში “ბარსელონამ” “რეიმსი” 4-3 დაამარცხა. კატალონიურ გუნდში ითამაშეს მადრიდის “რეალ მადრიდის” ვარსკვლავებმა, ალფრედო დი სტეფანომ და ფერენც პუშკაშმა. პირველი 2 გოლი დი სტეფანომ გაიტანა, რასაც ბენიტესმა და ვერგესმა თითო დაამატეს.

1969 წელი

კასაბლანკაში გამართული მოჰამედ მეხუთის ამხანაგური ტურნირის ფინალში “ბარსელონამ” “სან პაულუ” 2-0 დაამარცხა. ორივე გოლი პალაუმ გაიტანა.

1986 წელი

ლა ლიგის პირველ ტურში “რასინგთან” გამართულ შეხვედრაში “ბარსელონას” მაისურით ანდონი სუბისარეტას, რობერტ ფერნანდესის, მარკ ჰიუზისა და გარი ლინეკერის ოფიციალური დებიუტი შედგა. თამაში “ბარსამ” ლინეკერის დუბლით 2-0 მოიგო.

1993 წელი

დაიბადა “ბარსელონას” ყოფილი თავდამსხმელი პაკო ალკასერი. 2016-2018 წლებში მან “ბლაუგრანას” მაისურით 52 თამაში ჩაატარა და 15 გოლი გაიტანა. ალკასერმა კატალონიურ გუნდში 2 ესპანეთის თასი, 1 ესპანეთის სუპერ თასი და 1 ესპანეთის ჩემპიონატი მოიგო.

1994 წელი

ესპანეთის სუპერ თასის განმეორებით მატჩში “ბარსელონა” “სარაგოსასთან” სახლში 4-5 დამარცხდა, თუმცა 2 შეხვედრის ჯამში კატალონიელებმა 6-5 მოიგეს. მასპინძელთაგან ორ-ორი გოლი ჩიკი ბეგირისტაინმა და ხრისო სტოიჩკოვმა გაიტანეს.

2003 წელი

ლა ლიგის პირველ ტურში “ბილბაოსთან” სტუმრად გამართულ შეხვედრაში “ბარსელონაში” რონალდინიოს, ვან ბრონხორსტის, კუარეშმასა და ფრანკ რაიკარდის ოფიციალური დებიუტი შედგა. თამაში “ბარსამ” ფილიპ კოკუს გოლით მოიგო.

2010 წელი

ხავიერ მასკერანო “ლივერპულიდან” “ბარსელონაში” 24 მილიონი ევროს სანაცვლოდ გადმოვიდა.

2012 წელი

ანდრეს ინიესტა UEFA-მ ევროპის საუკეთესო ფეხბურთელად დაასახელა.