წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 11 აგვისტოს მოხდა.
თამაშები
11 აგვისტოს “ბარსელონამ” 1 ოფიციალური თამაში ჩაატარა, რომელიც მოიგო.
1991 წელი
დაიბადა “ბარსელონას” ყოფილი ფეხბურთელი კრისტიან ტელიო. 2009-2014 წლებში მან “ბლაუგრანას” მაისურით 87 თამაში ჩაატარა და 20 გოლი გაიტანა. ტელიომ კატალონიურ გუნდში 1 ესპანეთის ჩემპიონატი, 1 ესპანეთის თასი და 1 ესპანეთის სუპერ თასი მოიგო.
2015 წელი
თბილისში გამართულ ევროპის სუპერ თასის ისტორიაში საუკეთესო მატჩში “ბარსელონამ” “სევილია” 5-4 დაამარცხა. კატალონიელთაგან გოლები მესიმ (2), რაფინიამ, სუარესმა და პედრომ გაიტანეს.
2024 წელი
“ბარსელონას” კაპიტანმა, სერჟი რობერტომ სოციალური ქსელებისა და კლუბის ოფიციალური არხების მეშვეობით დაადასტურა, რომ 14-წლიანი უწყვეტი კარიერის შემდეგ პირველ გუნდს ტოვებდა. ლა მასიას აღზრდილმა უნივერსალმა მოთამაშემ, რომელსაც 2017 წელს “პარი სენ-ჟერმენთან” შექმნილ ისტორიულ “ქამბექში” (6-1) გადამწყვეტი და დაუვიწყარი გოლი აქვს გატანილი, კლუბის მაისურით 373 მატჩი ჩაატარა, 25 ტიტული მოიგო და “ბარსელონადან” თავისუფალი აგენტის სტატუსით წავიდა.
ტელიომ რა თამაში ჩაატარა ამხანაგურში, გოლები ვნახე არც მახსოვს ვისთან. მოკლედ სულ მაკრატელათი ურტყავდა კარებში.
ხო, ეგ თასიც ვნახე ბარსას მუზეუმში და სპეციალურად გადავუღე. ისე რაღაც პატარა მეჩვენა
მაგით მაინც ვიამაყოთ რომ ბარსამ ბოლო ევროპული ტიტული ჩვენთან მოიგო❤️🙄