ერთი დღე “ბარსას” ისტორიაში – 31 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 31 მარტს მოხდა.

თამაშები

31 მარტს “ბარსელონას” 13-ჯერ უთამაშია. კატალონიელებმა 7 მატჩი მოიგეს, 4 ფრედ დაასრულეს და 2 წააგეს.

1912 წელი

ესპანეთის თასის საშინაო შეხვედრაში “ბარსელონამ” “ესპანია” 3-0 დაამარცხა და ფინალში თამაშის უფლება მოიპოვა.

1935 წელი

ლა ლიგის გასვლით მატჩში “ბარსელონამ” “ბილბაო” 5-3 დაამარცხა. სტუმართაგან გოლები რაიხმა (2), ბერკესიემ, რამონმა და ესკოლამ გაიტანეს.

1990 წელი

“სპორტინგთან” სტუმრად ჩატარებულ შეხვედრაში (0-2) ანდონი სუბისარეტამ “ბარსელონას” მაისურით ლა ლიგაში 150-ე თამაში ჩაატარა. შეხვედრა “ბარსამ” ერნესტო ვალვერდეს დუბლით მოიგო.

2010 წელი

ჩემპიონთა ლიგის 1/4 ფინალის პირველ მატჩში “ბარსელონამ” “არსენალთან” ლონდონში 2-2 ითამაშა. ორივე გოლი ზლატან იბრაჰიმოვიჩმა გაიტანა.

ეს თამაში “ბარსელონასთვის” ჩემპიონთა ლიგაზე 50-ე ფრე იყო.

2012 წელი

“ბილბაოსთან” ანგარიშით 2-0 მოგებული შეხვედრა ლა ლიგაში დანი ალვესისთვის მე-300, ხოლო ხავიერ მასკერანოსთვის 50-ე გამოდგა.