“ბარსელონამ” კლუბის ისტორიაში ერთ-ერთი ყველაზე მნიშვნელოვანი ფიგურა, იოჰან კრუიფი, მისი გარდაცვალებიდან 10 წლისთავზე გაიხსენა. 2016 წლის 24 მარტს გარდაცვლილი ნიდერლანდელი ლეგენდა დღემდე რჩება იმ ადამიანად, რომელმაც კატალონიური გრანდი სამუდამოდ შეცვალა.
კლუბის ოფიციალურ განცხადებაში ხაზგასმულია, რომ კრუიფი მხოლოდ ფეხბურთელი ან მწვრთნელი არ ყოფილა – ის იყო იდეა, ფილოსოფია და სტილი, რომელიც დღემდე განსაზღვრავს “ბარსელონას” თამაშს.
კრუიფმა კლუბზე გავლენა ორჯერ მოახდინა – ჯერ როგორც ფეხბურთელმა, შემდეგ კი როგორც მწვრთნელმა. 1970-იან წლებში მან გუნდს ლა ლიგის ტიტული მოაგებინა ხანგრძლივი პაუზის შემდეგ, ხოლო 1988-1996 წლებში შექმნა ლეგენდარული “ოცნების გუნდი”, რომელმაც კლუბს პირველი ევროპის თასი მოუტანა.
ჰოლანდიელმა სპეციალისტმა “ბარსელონაში” დაამკვიდრა სათამაშო ფილოსოფია, რომელიც ბურთის ფლობას, შემტევ ფეხბურთსა და ახალგაზრდების განვითარებას ეფუძნება. სწორედ ამ იდეებმა ჩაუყარა საფუძველი იმ სტილს, რომელიც მოგვიანებით კლუბის იდენტობად იქცა და წარმატებებს დღემდე განაპირობებს.
კატალონიაში ხშირად ამბობენ, რომ არსებობს “ბარსელონა” კრუიფამდე და მის შემდეგ – და ეს შეფასება შემთხვევითი არ არის. მისი გავლენა იმდენად დიდია, რომ თანამედროვე წარმატებებიც პირდაპირ კავშირშია იმ საფუძველთან, რომელიც ნიდერლანდელმა ლეგენდამ შექმნა.
დღეს, 10 წლის შემდეგ, “ბარსელონა” კვლავ ინარჩუნებს იმ პრინციპებს, რომლებიც კრუიფმა დანერგა – და როგორც კლუბში აღნიშნავენ, მისი მემკვიდრეობა არა მხოლოდ ისტორიაში, არამედ ყოველდღიურობაში აგრძელებს ცხოვრებას.
უდიდესი
2019-ში კამპ ნოუზე ბარსელონას მუზეუმში რო ვიყავი, ამას და გამპერს ერთი დიდი დარბაზი აქვთ მიძღვნილი. სადაც ყველაფერია მათი ბუცებიდან დაწყებული. და უამრავი ფოტო-მასალით დამთავრებული.
ტედ ლასო ვისაც გაქვთ ნანახი 😆
კრუიფის ტოტალურ ფეხბურთზე როა სერია აიიი გენიალურია 😂😂😂😂😂😂
ყველაზე მნიშვნელოვანი ადამიანი ფეხბურთის ისტორიაში!❤️