ბარსელონა ჟოაუ კანსელუს დაბრუნებაზე ფიქრობს

გამოცდილი პორტუგალიელი განაპირა მცველი ჟოაუ კანსელუ, შესაძლოა, “ბარსელონას” ფორმით კიდევ ერთხელ ვიხილოთ.

ფაბრიციო რომანოს ცნობით 31 წლის ფეხბურთელი იანვარში “ალ ჰილალის” დატოვებასთან ახლოსაა. არაბულ კლუბთან მოლაპარაკებებს აწარმოებს “ინტერი”, თუმცა ბოლო დღეებში საქმეში “ბარსელონა” და “იუვენტუსიც” ჩაერთნენ.

კანსელუს თამაში დაცვის ორივე ფლანგზე შეუძლია, რაც “ბარსელონას” ერთდროულად რამდენიმე პრობლემას მოუგვარებს. ჟერარ მარტინის დაცვის ცენტრში გადასვლის შემდეგ მარცხენა ფლანგზე ალეხანდრო ბალდე უკონკურენტოდ დარჩა. ანდრეას კრისტენსენის ტრავმის, რონალდ არაუხოს გაურკვეველი მომავლისა და ერიკ გარსიას ნახევარდაცვაში აწევის შემდეგ ამ უკანასკნელის დაცვის მარჯვენა ფლანგზე კვლავ გამოჩენა ნაკლებად მოსალოდნელია, რაც ბალდეს მდგომარეობაში აყენებს ჟიულ კუნდესაც. კანსელუს ტრანსფერი კი ორივე ამ პრობლემას მოაგვარებდა. თუმცა ფაბრიციო რომანოს თქმით “ბარსელონას” ტრადიციული პრობლემა აქვს – ფინანსური ფეარ ფლეი.

ჟოაუ კანსელუ “ბარსელონაში” 2023/24 წლების სეზონში იჯარით თამაშობდა. “ბლაუგრანას” მაისურით მან 42 თამაში ჩაატარა, 4 გოლი გაიტანა და 5 შედეგიანი გადაცემა გააკეთა.