ვილიარეალი-ბარსელონა – ჰანსი ფლიკის მატჩისწინა პრესკონფერენცია

პედრი ხვალ არ ითამაშებს. მას დისკომფორტი აქვს. ტრავმისა და მისი 2 თვით დაკარგვის რისკი არსებობს. არ გავრისკავთ. ის “ესპანიოლთან” მატჩისთვის ხელმისაწვდომი იქნება.

ვეთამაშებით მეტოქეს, რომელსაც მკაფიო ფილოსოფია აქვს. “ვილიარეალი” შესანიშნავი გუნდია, რომელმაც ბოლო წლებში ბევრი რამ გააუმჯობესა. ისინი ძალიან კარგად გამოიყურებიან.

პედრიზე უნდა ვიზრუნოთ და ვუმკურნალოთ. ვერ გავრსიკავთ. ახლა ეს საუკეთესო ვარიანტია. ის “ესპანიოლთან” და სუპერ თასის მომდევნო მატჩებისთვის გვჭირდება.

ლევანდოვსკი სათამაშოდ მზადაა. “გვადალახარასთან” გარისკვა არ გვინდოდა. ახლა მას თამაში შეუძლია და ეს კარგი ამბავია.

ჩემი 2025 წელი? შემიძლია ვთქვა, რომ ჩემთვის, გუნდისთვის და კლუბისთვის საოცარი და წარმატებული წელი იყო. “ბარსელონაში” ძალიან ბედნიერი ვარ, მაგრამ ეს ყველაფერი ახლა უკვე წარსულია. წარმატების მისაღწევად მუშაობა უნდა გავაგრძელოთ. გასული სეზონის ტიტულები ძალიან კარგი იყო, მაგრამ უკეთესობისკენ უნდა ვისწრაფვოთ.

ჩემი მომავალი? მწვრთნელისთვის წელიწად-ნახევარი დიდი დროა. ძალიან მიხარია, რომ ამ კლუბში ვმუშაობ. შესანიშნავი ტექნიკური შტაფი მყავს, დეკუ საოცარი ადამიანია. ჩვენ ბრწყინვალე ურთიერთობა გვაქვს.

კონტრაქტის გახანგრძლივება? ჩემთვის კონტრაქტის კიდევ წლინახევრით გახანგრძლივება პრობლემა არაა, მაგრამ ეს საკითხი ასევე პრეზიდენტს უკავშირდება. მნიშვნელოვანია ისიც, მივაღწევთ თუ არა წარმატებას.

ფრენკი დე იონგი? გუნდში კონტროლი და სტაბილურობა კარგია. ბოლო მატჩებში ასე იყო, როდესაც ერიკ გარსია 6-იანზე თამაშობდა. ეს ფრენკისაც ესმის. ის ფანტასტიკური ფეხბურთელია. გუნდში ხარისხი და კონკურენცია მნიშვნელოვანია, რადგან ეს ყველას ეხმარება.

“ვილიარეალის” ბოლდროინდელი მარცხი ესპანეთის თასზე? ყველა ევროპული გუნდისთვის “ბარსელონასთან” მატჩი ყოველთვის “სეზონის თამაში” იქნება. ისინი ძალიან მოტივირებულები იქნებიან და არ აქვს მნიშვნელობა, რა მოხდა ამ მატჩამდე.

კასადოს მარჯვენა მცველად თამაში შეუძლია, მაგრამ მას უფრო 6-იანზე ან 8-იანზე ვხედავ. მნიშვნელოვანია, რომ გვყავს ფეხბურთელები, რომლებსაც ყველა პოზიციაზე თამაში შეუძლიათ. შესაძლოა, ის სათამაშო დროით კმაყოფილი არაა, მაგრამ ეს “ბარსელონაა”.

ხვალინდელი შემადგენლობა? გუნდის საჭიროებებზე ვფიქრობ. თუ ვინმე არ ითამაშებს, ამის შესახებ გავესაურები და ყველაფერს განვუმარტავ. ეს მნიშვნელოვანია. ჩემი კარი ყოველთვის ღიაა. აქ ვარ, რომ მათ დავეხმარო. პრიორიტეტი ყოველთვის გუნდი იქნება და არა ერთი ფეხბურთელი ან მწვრთნელი.

რაფინიას ვერმოხვედრა FIFA-ს წლის საუკეთესო გუნდში? ამაზე კომენტარის გაკეთება მინდოდა. FIFA-ს საუკეთესო თერთმეტეული ხუმრობაა. რაფინია ჩემპიონთა ლიგის საუკეთესო ბომბარდირი გახდა. სერიოზულად, ეს სასაცილოა. ვერ ვიჯერებ, რომ ის წლის გუნდში არაა. იმ სეზონის შემდეგ რაფინიამ ეს 100%-ით დაიმსახურა. წარმოუდგენელია.