2023 წელს მესი ბარსაში დაბრუნებასთან ძალიან ახლოს იყო [Sport]

“ბარსელონას” ლეგენდის, ყველა დროის საუკეთესო ფეხბურთელის, ლიონელ მესის მშობლიურ კლუბში დაბრუნება 2023 წელს თითქმის გარდაუვალი იყო, მაგრამ ტრანსფერი ბოლო მომენტში ჩაიშალა.

Sport ლეო მესის “ბარსაში” გადმოსვლის წარუმატებელი მცდელობის ქრონოლოგიურ ინფორმაციას ავრცელებს:

• იანვარში მესი ჩავის კლუბში დაბრუნების ინიციატივით ურეკავს;
• ჩავიმ შეიმუშვა გეგმა იმისათვის, რომ მესის სასტარტო შემადგენლობაში ეთამაშა. მომდევნო თვეებში ისინი ყოველ 10-15 დღეში ერთმანეთს ესაუბრეობდნენ;
• თებერვლაში “ბარსას” პრეზიდენტი ჟოან ლაპორტა ლეო მესის მამასთან, ხორხე მესისთან მოლაპარაკებების წინსვლის მიზნით კონტაქტს იწყებს;
• აპრილში “ბლაუგრანას” მაშინდელი სპორტული დირექტორი მატეუ ალემანი ჩავის აცნობებს, რომ ლა ლიგამ ტრანსფერი დაამტკიცა და კატალონიური კლუბი მესის კონტრაქტის შედგენას იწყებს;
• რამდენიმე დღის შემდეგ ხორხე მესი ჩავის ურეკავს და უხსნის, რომ ტრანსფერი ჩაიშალა, რადგან ლა ლიგისგან დასტური აღარ აქვს;
• ლეო მესი “ბარსელონას” ლოდინითა და კლუბის ფინანსური პრობლემებით დაიღალა და საბოლოოდ, “ინტერ მაიამიში” გადავიდა.