“ოვიედოსთან” სტუმრად გამართული მატჩი (1-3) ფრენკი დე იონგისა და რაფინიასთვის გამორჩეული გამოდგა.
დე იონგმა “ბარსელონაში” 264-ე ოფიციალური შეხვედრა ჩაატარა. ფრენკი ნიდერლანდელ ფეხბურთელებს შორის “ბარსას” მაისურით გამართული მატჩების რაოდენობით რონალდ კუმანს გაუთანაბრდა და ამ შედეგით მეორე ადგილზე გადაინაცვლა.
დე იონგი “ბლაუგრანაში” მე-7 სეზონს ატარებს. ის კატალონიურ კლუბში 2019 წლის ზაფხულში “აიაქსიდან” გადმოვიდა. 28 წლის ნახევარმცველის მორიგი სამიზნე კოკუა, რომელიც ერთადერთია, ვინც “ბარსაში” ფრენკიზე მეტი მატჩით (292) იწონებს თავს.
5 ნიდერლანდელი, რომლებმაც “ბლაუგრანაში” ყველაზე მეტი შეხვედრა ჩაატარეს:
ფეხბურთელი |
მატჩი |
| კოკუ | 292 |
| ფრენკი დე იონგი | 264 |
| რონალდ კუმანი | 264 |
| პატრიკ კლუივერტი | 257 |
| მაიკლ რეიზიგერი | 255 |
რაფინია – მე-6 ბრაზილიელი
“ოვიედოსთან” შეხვედრა გამორჩეული აღმოჩნდა ბრაზილიელი რაფინიასთვისაც, რომელმაც 151-ე თამაში ჩაატარა. ის ამ შედეგით “ბარსელონას” თანამემამულეებს შორის ევარისტოს გაუთანაბრდა და მე-6 ადგილზე გადაინაცვლა.
ახლა რაფინიას სამიზნე ნეიმარია, რომლის ანგარიშზეც კატალონიურ კლუბში 186 მატჩია.
ბრაზილიელები, რომლებმაც “ბარსაში” ყველაზე მეტი თამაში ჩაატარეს:
ფეხბურთელი |
მატჩი |
| დანი ალვესი | 408 |
| რივალდო | 235 |
| რონალდინიო | 207 |
| ადრიანო | 190 |
| ნეიმარი | 186 |
| რაფინია | 151 |
| ევარისტო | 151 |
პსჟ-თან არ იქნებიან, დანამდვილებით.
ფრეკი გაასწრებს კოკუს
არამგონია რაფინიამ ალვეშს გადაუსწროს.
რაფინია და ჟოან გარსია დაიმტვრნენო და დაწერეთ რამე