ბარსელონა ოფიციალურად დაინომრა

სატრანსფერო ფანჯრის დახურვის შემდეგ “ბარსელონამ” 2025/26 წლების სეზონისთვის პირველი გუნდი ოფიციალურად დააკომპლექტა და ფეხბურთელებს ნომრები მიანიჭა.

წინა სეზონთან შედარებით რამდენიმე ცვლილებაა. ახალწვეულ ჟოან გარსიას 13 ნომერი შეხვდა, რომელსაც ინიაკი პენია ატარებდა. მორიგი ახალწვეული მარკუს რაშფორდი პაბლო ტორეს წასვლის შემდეგ გათავისუფლებული 14-ნომრიანი მაისურით ითამაშებს. პაუ კუბარსიმ 5 ნომერი აირჩია, რომელიც ინიგო მარტინესს ეკუთვნოდა. პაუ ვიქტორის 18 ნომერი უკვე ოფიციალურად პირველი გუნდის ფეხბურთელ ჟერარ მარტინს გადაეცემა. პირველი გუნდის წევრი გახდა მარკ ბერნალიც და ის 22 ნომერი იქნება.

ყველაზე მნიშვნელოვანი ცვლილება ლამინ იამალს შეეხო, რომელიც ამ სეზონიდან 19 ნომრის ნაცვლად ლეგენდარულ 10-ნომრიან მაისურს მოირგებს.

აღსანიშნავია კიდევ ერთი ახალწვეული რუნი ბარდჯი, რომელიც 28 ნომერი იქნება. ეს ნიშნავს, რომ მას როგორც პირველ გუნდში, ასევე “ბარსა ატლეტიკში” თამაშის უფლება ექნება.

2, 12 და 19 ნომრები თავისუფალი დარჩა.

“ბლაუგრანას” 2025/26 წლების სეზონის შემადგენლობა ასეთია:

• 1. ტერ შტეგენი
• 3. ბალდე
• 4. არაუხო
• 5. კუბარსი
• 6. გავი
• 7. ტორესი
• 8. პედრი
• 9. ლევანდოვსკი
• 10. იამალი
• 11. რაფინია
• 13. ჟ. გარსია
• 14. რაშფორდი
• 15. კრისტენსენი
• 16. ფერმინი
• 17. კასადო
• 18. მარტინი
• 20. ოლმო
• 21. დე იონგი
• 22. ბერნალი
• 23. კუნდე
• 24. ე. გარსია
• 25. შჩესნი
• 28. ბარდჯი