ბარსელონას საბოლოო გადაწყვეტილება – ფერმინ ლოპესი არ გაიყიდება

“ბარსელონას” სჭირდება მოთამაშეების გაყიდვა, რათა მოახერხოს ფინანსური სტაბილურობის დაბრუნება და ლა ლიგის 1:1 წესი აღადგინოს – რაც აუცილებელია ახალი ხელშეკრულებების რეგისტრაციისთვის. ბოლო კვირებში რამდენიმე ფეხბურთელი მოხვდა შესაძლო გასაყიდი კანდიდატების სიაში და მათ შორის მოულოდნელად გამოჩნდა ფერმინ ლოპესი. ფერმინი, რომელიც ბოლო თვეებში “ჩელსის” უკავშირდებოდა, საკმაოდ შთამბეჭდავად გამოიყურებოდა “ბარსელონას” პირველ გუნდში მას შემდეგ, რაც 2023 წლის ზაფხულში გამოჩნდა. მიუხედავად იმისა, რომ ხშირად მოედანზე შეცვლაზე შედიოდა, მან 88 მატჩში 19 გოლი და 9 ასისტი მიითვალა, თუმცა ხმები ისმოდა, რომ ეს საკმარისი არ იქნებოდა კლუბში დასარჩენად.

“ბარსელონას” უკვე გადატვირთული შუახაზი ჰყავს და სიტუაცია კიდევ უფრო გართულდება მას შემდეგ, რაც მარცხენა ვინგერი შეემატებათ – მოსალოდნელია, რომ რაფინია ცენტრში გადაინაცვლებს, რაც ფერმინს როტაციაში დააქვეითებს. ამ ფაქტორების გათვალისწინებით გაჩნდა ხმები, რომ ფერმინს გაყიდიან, თუმცა ახლა ეს ვარაუდები უარყო Diario AS-მა. გამოცემის ცნობით, “ბარსელონამ” მიიღო გადაწყვეტილება, რომ ფერმინ ლოპესი არ გაიყიდება. მთავარი მწვრთნელი ჰანსი ფლიკი პირდაპირ ითხოვს მისი შენარჩუნებას, რადგან ძალიან აფასებს ამ ამპლუის მოთამაშეს და ხედავს მის მნიშვნელოვან როლს გუნდში.

“ბარსელონა” ამ ზაფხულში 2-3 მოთამაშის გაყიდვას გეგმავს

ფერმინი არ წავა, მაგრამ “ბარსელონამ” უკვე შეარჩია წამსვლელი კანდიდატები გასაყიდად. ყველაზე აშკარაა მარკ-ანდრე ტერ შტეგენი, რომელიც უკვე მესამე მეკარედ იქცა ჟოან გარსიასა და ვოიცეხ შჩესნის შემდეგ. ასევე განიხილება რონალდ არაუხოს ან ანდრეას კრისტენსენის გაყიდვა, თუმცა არცერთი მათგანი არ მიიჩნევს თავს წამსვლელად. “ბარსელონას” გაუჭირდება საჭირო თანხის მობილიზება, რათა ფინანსური წესრიგი დაიბრუნოს, თუმცა ფერმინის შენარჩუნება გონივრული ნაბიჯია. ის განსხვავებული მოთამაშეა, რომელსაც ფლიკი პირველივე ორ სეზონში აქტიურად იყენებდა და დიდი პოტენციალი აქვს.