ჰანსი ფლიკის პრესკონფერენცია ატალანტასთან მატჩის წინ

ჯან პეირო გასპერინის [“ატალანტას” მთავარი მწვრთნელი] დიდ პატივს ვცემ. ის 8 წელია, “ატალანტაშია”. შეხედეთ, რა ხდება, როცა კლუბი მწვრთნელს ენდობა. მათი თამაში მომწონს, ბევრ გოლს იტანენ.

ჩემთვის ჩემპიონთა ლიგა ყველაზე მნიშვნელოვანია. როგორც უკვე ვთქვი, ეს ყველაზე რთული ტურნირია. “ატალანტას” დამარცხება ძალიან მნიშვნელოვანია.

დე იონგის მომავალი? აწმყოზე ვარ ფოკუსირებული. დეკუ თავის საქმეს აკეთებს. დე იონგი ძალიან კარგად თამაშობს, როგორც 6-იანზე, ასევე 8-იანზე. ფრენკი ბოლო მატჩებში კარგად გამოიყურებოდა.

ვიცი, რომ, როდესაც შჩესნიზე კარგს ვამბობ, პენია სუსტად გამოიყურება. ეს არ მომწონს. მეკარის არჩევა ჩემი საქმეა. ორივე ძალიან კარგი, შესანიშნავი კიპერია. გადავწყვიტეთ, ხვალ შჩესნიმ ითამაშოს. ყოველთვის ვცდილობ, გუნდისთვის საუკეთესო არჩევანი გავაკეთო. ამ მომენტში ასე ვფიქრობ. თუმცა, ინიაკიმ ძალიან კარგად ითამაშა.

სატრანსფერო ბაზარი? უკეთ იცით, რომ ამ მხრივ კლუბს არ ულხინს. ყოველთვის ვამბობდი, რომ კმაყოფილი ვარ ფეხბურთელებით, გუნდით, ატმოსფეროთი. შეგვიძლია, დიდ წარმატებას მივაღწიოთ.

“ელ კლასიკო” “კამპ ნოუზე”? შემატყობინებენ და მეტყვიან, შევძლებთ თუ არა “კამპ ნოუზე” თამაშს. ეს ძალიან გამაბედნიერებს, მაგრამ ახლა “ლუი კომპანისზე” გამოვდივართ.

მეკარესთან დაკავშირებით გადაწყვეტილების მიღება ყოველთვის რთულია. ეს პოზიცია ძალიან განსაკუთრებულია. ეს ერთ-ერთი ყველაზე რთული გადაწყვეტილებაა, რაც მიმიღია.

გვინდა, ლიგის ფაზა მეორე ადგილზე დავასრულოთ.

იტალიელებთან თამაში ყოველთვის რთულია, რადგან ძალიან დაცვითი გუნდები ჰყავთ. “ატალანტა” თამაშობს ერთი-ერთზე მთელ მოედანზე, ისინი ძალიან სწრაფად გადაადგილდებიან. ამაზე გუნდთან ვისაუბრეთ. “ატალანტას” სტილი უნიკლურია.

ლუკმენის არყოფნა? ცხადია, როდესაც ასეთი მნიშვნელოვანი მოთამაშე გამოგაკლდება, ეს შენზე აისახება, მაგრამ გასპერინი გუნდს კარგად იცნობს და არა მგონია, მან თამაშის სტილი დიდად შეცვალოს.