ბარსას რთული მისია – გოლის გატანა ხეტაფეს სტადიონზე

თითქმის ერთთვიანი პაუზის შემდეგ “ბარსელონას” დღეს ლა ლიგის თამაში ელის.

ჰანსი ფლიკის გუნდს ესპანეთის ჩემპიონატში საქმეები ცუდად მისდის – კატალონიელებს ბოლო 3 მატჩში მოგება არ აქვთ, უკანასკნელი 7 შეხვედრიდან კი “ბლაუგრანამ” მხოლოდ 1 მოიგო.

2025 წელს “ბარსა” კარგ ფორმაშია. ესპანეთის თასსა და სუპერ თასზე გუნდმა 4 თამაში ჩაატარა და ოთხივე დამაჯერებლად მოიგო.

დღეს “ხეტაფესთან” დაპირისპირება გვაქვს. გუნდთან, რომელთანაც სტუმრად გოლის გატანა ძალიან გვიჭირს. ამ გუნდებს შორის მადრიდში გამართულ ბოლო 4 დაპირისპირებაში მხოლოდ 1 გოლი გავიდა და ისიც კატალონიელთა კარში.

“ბარსამ” “ხეტაფესთან” სტუმრად გოლი ბოლოს 2019 წელს გაიტანა და ამ გოლის ავტორი ჟუნიორ ფირპო იყო. იმ გუნდიდან დღეს “ბლაუგრანაში” მხოლოდ მარკ-ანდრე ტერ შტეგენი და ფრენკი დე იონგი ირიცხებიან.

ამ თამაშის შემდეგ ჩატარებულ ოთხ მატჩში ასეთი შედეგები დაფიქსირდა: 1-0, 0-0, 0-0, 0-0.